«Արմավիր» քրեակատարողական հիմնարկում հյուրընկալել են դերասան Սերգեյ Դանիելյանին

Մարտի 21-ին Հայաստանի Հանրապետության արդարադատության նախարարության «Արմավիր» քրեակատարողական հիմնարկի գրադարանում ազատազրկված անձանց համար կազմակերպվել էր մշակութային միջոցառում՝ հանդիպում-քննարկում ձևաչափով։ Միջոցառումը կազմակերպվել էր դատապարտյալների շրջանում գործող ինքնագործ մշակութային միավորման անդամ, ցմահ դատապարտյալ Արթուր Քոչարյանի նախաձեռնությամբ, նրան ընդառաջել և աջակցել է սոցիալական, հոգեբանական և իրավական աշխատանքների բաժինը։

Հանդիպման հյուրերն են եղել դերասան, հաղորդավար Սերգեյ Դանիելյանը և լրագրող Արման Սուլեյմանյանը։

Սերգեյ Դանիելյանը ներկայացրել է հումորային ժանրի առանձնահատկությունները, պատմել ֆիլմերի նկարահանման ընթացքի, բեմում և տեսախցիկների առջև դերասանի պահվածքի, կերպարային բնավորության և խառնվածքի մասին՝ համեմելով խոսքը հումորային դրվագների պատմություններով։ Դերասանն անդրադարձել է նաև հասարակության և ժամանակի պահանջով ներկայացումների և ֆիլմերի ժանրային, բովանդակային փոփոխություններին։

Միջոցառումն անցել է բավական ակտիվ, ուրախ երկխոսության մթնոլորտում։ Ներկա է եղել շուրջ 20 դատապարտյալ։ Ավարտին ազատազրկված անձինք հայտնել են իրենց շնորհակալությունը հյուրերին և կազմակերպիչներին՝ իրենց մեկ օրը անազատության մեջ բովանդակալից, տրամադրող և հիշարժան դարձնելու համար՝ հույս հայտնելով նաև, որ այդպիսի հետաքրքիր հանդիպումներ կկազմակերպվեն պարբերաբար։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Սեդա Սաֆարյանի լիազորությունները դադարեցնելու հարցով ՍԴ դիմելու նախագիծը մերժվեց

Հաջորդը

Ապօրինի ծագում ունեցող գույքերի բռնագանձման ևս երկու հայցադիմում է ընդունվել է վարույթ

Առնչվող նյութեր
Դիտել

Արմեն Գրիգորյանն աշխատանքային ճաշ է ունեցել ՆԱՏՕ-ի գլխավոր քարտուղարի հատուկ ներկայացուցիչի հետ

Մայիսի 16-ին Բրյուսել աշխատանքային այցի շրջանակներում ԱԽ քարտուղար Արմեն Գրիգորյանն աշխատանքային ճաշ է ունեցել ՆԱՏՕ-ի գլխավոր քարտուղարի Կովկասում…
Դիտել

ՀՀ տարածքում ավտոճանապարհներն անցանելի են

Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհները անցանելի են։ Սյունիքի մարզի Քաջարան քաղաքում և «Մեղրու սար» կոչվող…
Դիտել

ՀՀ մարդու իրավունքների պաշտպանը ՄԱԿ-ի Մարդու իրավունքների խորհրդի նիստում խոսել է պատերազմի ընթացքում ադրբեջանական ԶՈՒ-ի էթնիկ զտումների քաղաքականության մասին

ՄԱԿ-ի Մարդու իրավունքների խորհրդի 46-րդ նստաշրջանի մարտի 19-ի նիստում հեռարձակվել է ՀՀ մարդու իրավունքների պաշտպանի հատուկ ձևաչափով տեսաուղերձը,…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share