Ղարաբաղում «Իսկանդերներ» չեն կիրառվել
Լեռնային Ղարաբաղի հակամարտության ընթացքում «Իսկանդեր» հրթիռային համալիրները չեն կիրառվել, Կրեմլը տեղեկություններ չունի, թե որտեղից կարող է հայտնվել այդ համալիրի հրթիռը, որի բեկորները, իբր, հայտնաբերել է Ադրբեջանի ԶՈՒ-ն: Այս մասին հայտարարել է Ռուսաստանի նախագահ մամուլի քարտուղար Դմիտրի Պեսկովը:
«Դա նոր տեղեկատվություն է, ինձ հայտնի չէ՝ արդյո՞ք զեկուցվել է զինվորականների միջոցով նախագահ Վլադիմիր Պուտինին, արդյո՞ք մեր զինվորականներն այս մասին մանրամասն տեղեկություններ ունեն», – ասել է նա լրագրողներին:
Այդպես է Պեսկովը լրագրողների խնդրանքով մեկնաբանել Ադրբեջանի ականազերծման գործակալության հայտարարությունը 2021 թ. մարտի 15-ին Շուշիում՝ տարածքի մաքրման աշխատանքների ժամանակ, «Իսկանդերի» երկու հրթիռների բեկորների հայտնաբերման մասին:
Պատասխանելով հարցին, թե արդյո՞ք «Իսկանդերը» օգտագործվել է ղարաբաղյան հակամարտության ընթացքում, Պեսկովն ասել է. «Հիշու՞մ եք «Իսկանդերի» հետ պատմությունը, որ դրանք չեն օգտագործվել հակամարտության ընթացքում, և դա հաստատվել է»:
Պեսկովին հարցրել են նաև, թե արդյո՞ք Կրեմլը պատկերացում ունի այն մասին, թե որտեղից կարող է հայտնվել «Իսկանդեր» հրթիռը, որի բեկորները հայտարարվել են Բաքվում:
«Ոչ, մենք տեղեկություն չունենք», – ասել է Պեսկովը:
