Հնդկաստանի Ջամմու և Քաշմիր շրջանի Շոպիան քաղաքում հատուկ գործողություն է իրականացվել, որի ժամանակ ոչնչացվել է 4 ահաբեկիչ, հայտնում են այդ երկրի ոստիկանութունից:
Բախումը սկսվել է, երբ բանակի, ոստիկանության և Հնդկաստանի կենտրոնական պահուստային ոստիկանության ուժերը շրջապատել էին Ջան Մոհալլայի տարածքը՝ այնտեղ զինյալների ներկայության մասին տեղեկությունների հիման վրա: Սկսված կրակոցների հետևանքով երեք ահաբեկիչ է ոչնչացվել, ևս չորս ոստիկան վիրավորվել է: Երկու ահաբեկչի հաջողվել էր թաքնվել. գործողության ընթացքում նրանցից մեկը ոչնչացվել է:
Գրոհայինների թվում էր «Ալ-Քաիդա» ահաբեկչական խմբավորման հրամանատար Անսար Ղազվաթ-ուլ-Հինդը, որը գործում է տարածաշրջանում «Ջեյշ-է-Մուհամեդ» ահաբեկիչների հետ միասին:
Հատուկ գործողությունը շարունակվում է, դրա շրջանակներում քաղաքում ինտերնետն անջատված է:
