Մետրոյի Աջափնյակ կայարանի շինարարությունը տևելու է 4 տարի․ Ավինյան

Երևանի փոխքաղաքապետ Տիգրան Ավինյանը կառավարության նիստում մանրամասներ է ներկայացրել մետրոյի Աջափնյակ կայարանի կառուցման աշխատանքներից։ Նրա խոսքով՝ նախնական հաշվարկներով շինարարությունը տևելու է 48 ամիս, այսինքն՝ 4 տարի։

«Ընդհանուր երկարությունը լինելու է շուրջ 1.5 կմ, և կայարանի շինարարությունը նաև ենթադրում է մետրոկամուրջ, որը երկու տարբերակով ենք դիտարկում՝ երկաթբետոնե հենասյուներով ու հեծաններով, և նոր մոդելով՝ մետաղական ֆորմայով հավաքված կամուրջ։ Այս պահի դրությամբ դեռ վերջնական որոշում չունենք․ սպասում ենք ֆինանսական գնահատականներին։ Բայց որ դիտարժան և գեղեցիկ կամուրջ է լինելու, դրանում վստահ ենք։ Մի քանի փոփոխություն ենք արել 80-ականների նախագծի համեմատ։ Նախկինում կայարանը նախատեսված էր Աբելյան փողոցի անկյունում, որտեղ շինարարական աշխատանքներ են արվել, շենք է կառուցվել։ Մենք 120-140 մետր տեղափոխելով կայարանը դեպի Հալաբյան-Աբելյան խաչմերուկ՝ կարողանում ենք մի քանի կարևոր խնդիր լուծել։ Առաջին հերթին շինարարությունը մոտ 15% չափով ավելի ցածր արժեք է ունենալու, շինարարության ժամկետները մոտ 6 ամիս կրճատվելու են։ Թումոյի մայթին՝ Հալաբյան-Աբելյան անկյունում է լինելու։ Ընդհանուր առմամբ ավելի արագ ու էֆեկտիվ է լինելու։ Վերևից ենք փորելու, ոչ թե տակից փորելով, ինչը մեզ շատ առավելություններ է տալիս»,- նշեց Ավինյանը։

Ըստ փոխքաղաքապետի՝ մինչև տարեվերջ կլինի մետրոյի կայարանի վերջնական նախագիծը. «Կարծում եմ՝ արդեն իսկ ժամանակն է՝ քննարկելու հետագա ֆինանսավորման հարցերը։ Ընդամենը 4 տարվա շինարարության հարց է»։

Ավինյանը նաև նշել է, որ մետրոյում էական փոփոխություններ են տեղի ունենում՝ կատարվելու են մեծ չափի ներդրումներ։

«Քննարկել ենք «Փեթակ»-ի տարածքում գտնվող հատվածում ևս մեկ կայարան ստեղծելու հարցը, իսկ «Աջափնյակ» կայարանի ստեղծումից հետո, ամենայն հավանականությամբ, մետրոն նույն գծով շարունակվելու է։ Երկու պոտենցիալ ուղղություն կա՝ Դավիթաշեն և Աջափնյակի խորքը։ Քաղաքապետարանն առաջարկելու է մետրոյի զարգացման շարունակական ծրագիր, որ մենք ամեն տարի ունենանք նոր կայարանների բացման ուղղությամբ կատարվող աշխատանքներ, և, երևի, սա ամենաարդյունավետ ներդրումներից մեկն է»,- ասաց փոխքաղաքապետը։

Ավինյանը նշեց, որ մետրոյի նոր կայարանի շահագործմամբ ուղևորափոխադրումների քանակը 22%-ով աճում է։ Ըստ նրա այն էական բեռ կվերցնի իր վրա և էականորեն կթեթևացնի փողոցների ծանրաբեռնվածությունը։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

«Նոր Զովք»-ում հարկային չարաշահումներին վերաբերող քրեական վարույթով մեղադրյալ 4 անձինք կալանավորվել են

Հաջորդը

«Վստրեչի» կամրուրջը երկու ամիս փակ կլինի

Առնչվող նյութեր
Դիտել

Սպանդանոցային ծագումը հավաստող փաստաթուղթ չունեցող մսեղիքը ոչնչացվել է

ՀՀ սննդամթերքի անվտանգության տեսչական մարմնի Երևանի կենտրոնի տեսուչները վերահսկողական միջոցառումներ են իրականացրել մայրաքաղաքի Գարեգին Նժդեհ 9 և Գարեգին…
Դիտել

Ժամը 15-ի դրությամբ, իրադրությունը սահմանին կրկին ծայրահեղ լարվել է․ ՀՀ ՊՆ (տեսանյութ)

ՀՀ ՊՆ-ից հայտնում են, որ ժամը 15:00-ի դրությամբ իրադրությունը հայ ադրբեջանական սահմանագծին կրկին ծայրահեղ լարվել է։ ՀՀ ՊՆ…
Դիտել

Գերմանիան բավարարել է ՀՀ գլխավոր դատախազության միջնորդությունը

ՀՀ տարածքով հերոին տեղափոխող անձը հանձնվել է Հայաստանի իրավասու մարմիններին։ Գերմանիայի Դաշնային Հանրապետության իրավասու մարմինը բավարարել է Հայաստանի…
Դիտել

Վթարի է ենթարկվել Արթիկ-Երևան երթուղին սպասարկող «ԳԱԶել»-ը. 10 քաղաքացի է հոսպիտալացվել . ԱԻՆ

Սեպտեմբերի 19-ին, ժամը 10։41-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Ապարան-Քուչակ ավտոճանապարհին տեղի է ունեցել…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share