Ազգային ժողովում կայացած քվեարկության արդյունքում Նիկոլ Փաշինյանը չընտրվեց ՀՀ վարչապետի պաշտոնում։ Քվերակությանը Փաշինյանը ստացավ 1 «կողմ», 3 «դեմ» և 75 «ձեռնպահ» ձայն:
Նիկոլ Փաշինյանի թեկնածությունն առաջադրել էր խորհրդարանի «Իմ քայլը» խմբակցությունը, որի անդամ Ալեն Սիմոնյանը հայտարարեց, որ իրենք քվեարկելու են «ձեռնպահ»: Ազգային ժողովի հատուկ նիստին «Բարգավաճ Հայաստան» խմբակցությունը չէր մասնակցում:
Հիշեցնենք, որ Նիկոլ Փաշինյանըվարչապետի պաշտոնից հրաժարական էր տվել պրիլի 25-ին՝ հունիսին արտահերթ խորհրդարանական ընտրություններ անցկացնելու համար։ Առաջին անգամ վարչապետ չընտրվելու դեպքում քվեարկությունից յոթ օր անց անցկացվում է վարչապետի նոր ընտրություն։ Եթե պատգամավորների ընդհանուր թվի ձայների մեծամասնությամբ կրկին վարչապետ չի ընտրվում, ապա Ազգային ժողովն արձակվում է իրավունքի ուժով:
Արտահերթ խորհրդարանական ընտրություններ անցկացնելու համար Նիկոլ Փաշինյանը քաղաքական քննարկումներ էր անցկացրել խորհրդարանական ընդդիմադիր խմբակցությունների հետ, որոնք հավաստիացրել են, որ Փաշինյանի հրաժարականից հետո վարչապետի թեկնածու չեն առաջադրի, որպեսզի Ազգային ժողովն իրավունքի ուժով արձակվի։
