Միացյալ Նահանգների նախագահի ազգային անվտանգության հարցերով խորհրդական Ջեյք Սալիվանը թվիթերյան իր միկրոբլոգում անդրադարձել է Վաշինգտոնում ընթացող Հայաստան-Ադրբեջան բանակցություններին․
«Ուրախ ենք Սպիտակ տանը հյուրընկալել ՀՀ և ԱՀ ԱԳ նախարարներ Արարատ Միրզոյանին ու Ջեյհուն Բայրամովին։ Մենք ողջունում ենք Հայաստանի և Ադրբեջանի առաջընթացը բանակցություններում ու խրախուսում ենք շարունակական երկխոսությունը: Կայուն և արդար համաձայնագիրը առանցքային կլինի՝ ապաարգելափակելու երկու երկրների և տարածաշրջանի հնարավորությունները», – գրել է Սալիվանը իր միկրոբլոգում։
