Ֆուտբոլի Եվրոպայի լիգայում տեղի ունեցան քառորդ եզրափակիչի պատասխան հանդիպումները։
Իտալական «Ռոման» տանը մրցեց Ամստերդամի «Այաքսի» հետ։ «Ռոմայի» մեկնարկային կազմում էր նաեւ ֆուտբոլի Հայաստանի հավաքականի կիսապաշտպան Հենրիխ Մխիթարյանը եւ փոխարինվեց 87-րդ րոպեին։
Առաջին խաղակեսում դարպասի գրավում չգրանցվեց։ Իսկ արդեն երկրորդ խաղակեսում թիմերը մեկական գոլ փոխանակեցին եւ հանդիպումն ավարտեցին 1։1 հաշվով։
Այս թիմերի առաջին հանդիպումն ավարտվել էր «Ռոմայի» հաղթանակով։ Երկու հանդիպումների արդյունքով Եվրոպա լիգայի կիսաեզրփակիչում պայքարը կշարունակի իտալական «Ռոման»։
Կիսաեզրափակիչում կխաղան նաեւ «Արսենալը» «Մանչեսթեր Յունայթեդը» եւ «Վիլյառեալը»:
Կիսաեզրափակիչի զույգերն են «Մանչեսթեր Յունայթեդ» – «Ռոմա», «Վիլյառեալ» – «Արսենալ»։
