30 տարի առաջ՝ 1992թ․ հունվարի 7-ին, Հայաստանը և Ամերիկայի Միացյալ Նահանգները պաշտոնապես դիվանագիտական հարաբերություններ հաստատեցին, որից երկու շաբաթ առաջ՝ 1991թ․ դեկտեմբերի 25-ին, ամերիկյան ժողովրդին ուղղված իր պատմական ուղերձում Նախագահ Ջորջ Բուշը ճանաչել էր Հայաստանի Հանրապետությունը:
«Իր ուղերձում Նախագահ Բուշը խոսել էր Խորհրդային Միության փլուզման, ԱՊՀ պետությունների ստեղծման մասին և ճանաչել մի շարք նախկին խորհրդային հանրապետությունների, այդ թվում՝ Հայաստանի անկախությունը»,- նշված է ՀՀ-ում ԱՄՆ դեսպանատան տարածած հաղորդագրությունում:
