Արցախի և արցախցիների իրավունքների համար պայքարը չի ավարտվել. Արամայիս Աղաբեկյան

Խնդրում և պահանջում եմ Արցախի Ազգային Ժողովի պատգամավորներից, Հայաստանի Հանրապետության քաղաքական դերակատարներից, Սփյուռքի ազդեցիկ ուժերից հրապարակայնորեն դիմել Արցախի նախագահ Սամվել Շահրամանյանին`հայտնի հրամանագրի չեղարկման և հանրայնացման պահանջով։ Այս մասին նշված է Արցախի ԱԺ պատգամավոր Արամայիս Աղաբեկյանի հայտարարությունում։

«Երեկ ես հեռացա «Ազատ Հայրենիք- ՔՄԴ» դաշինքից։ Պատճառը, Արցախի լուծարման մասին հրամանագրի չեղարկման շուրջ , իմ և խմբակցության բացարձակ մեծամասնության տարբեր դիրքորոշումներն են։

Ես համոզված եմ,որ հրամանագրի չեղարկման մասին պետք է հրապարակայնորեն հայտարարվի նույն հարթակում, ինչ հարթակում հայտարարվել է դրա ստորագրման մասին։
Իրավական տեսանկյունից ոչ մի արժեք չներկայացնող այս փաստաթուղթը քաղաքական և տեղեկատվական առումով երազանքների նվեր է Ադրբեջանին։

Խմբակցության մեծամասնության կարծիքը այլ է,նրանք համոզված են,որ գոյություն ունեցող սպառնալիքներն ու փաստաթղթի իրավական արժեքի բացակայությունը բավարար են,որպեսզի չեղարկում և այդ չեղարկման հանրայնացում չկատարվի։

Ադրբեջանի կողմից «Արևմտյան Ադրբեջան» կոնցեպտի Միլլի Մեջլիս բերելուց և սեփական իրավական դաշտում ամրագրելուց հետո, Արցախի լուծարման մասին հրամանագրի չեղարկման շուրջ տարակարծությունները ըստ իս պիտի վերացվեյին։

Այս պահին ցավոք նման փոխըմբռնում չկա։
Միաժամանակ, ես վստահ եմ նաև այն բանում,որ Արցախի Ազգային Ժողովում,այդ թվում մեր խմբակցությունում, կան մարդիկ, ովքեր ներքին համոզմունքով նույն կերպ են մտածում,ինչպես ես,բայց չեն ցանկանում հրապարակայնորեն արտահայտվել։

Խնդրում և պահանջում եմ Արցախի Ազգային Ժողովի պատգամավորներից, Հայաստանի Հանրապետության քաղաքական դերակատարներից, Սփյուռքի ազդեցիկ ուժերից հրապարակայնորեն դիմել Արցախի նախագահ Սամվել Շահրամանյանին`հայտնի հրամանագրի չեղարկման և հանրայնացման պահանջով։

Ինչու հիմա եմ այս մասին գրում և ոչ օրինակ մեկ ամիս առաջ,որովհետև ներքին հնարավոր բոլոր մեթոդները օգտագործել եմ,անգամ հաջողվել է այդ ուղղությամբ որոշակի առաջընթաց արձանագրել,սակայն վերջնական արդյունքի, որպես այդպիսին,հասնել չի հաջողվել։

Արցախի և արցախցիների իրավունքների համար պայքարը չի ավարտվել,այն թևակոխել է ավելի դաժան փուլ,որտեղ ամեն կողմից մեզ համոզելու են հակառակը և ճնշելու են բոլոր հնարավոր միջոցներով։

Առավել քան երբևէ անհրաժեշտ է ՊԻՆԴ լինել»։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Կոտայքի մարզի 38-ամյա բնակիչը 4 անձի, այդ թվում 1 երեխայի, թրաֆիքինգի ենթարկել

Հաջորդը

Երևանում տրոլեյբուս է այրվել. տուժածներ չկան

Առնչվող նյութեր
Դիտել

Արտասահման ուղարկված աճյունների 20-ից ավելի փորձանմուշ կա

Արցախի 44-օրյա պատերազմում զոհվածների աճյունների ավելի քան 20 փորձանմուշ ուղարկվել է արտասահման։ Այս մասին ասել է ՀՀ առողջապահության…
Դիտել

ՀՀ ԱԳ նախարարն ընդունել է «Կոնրադ Ադենաուեր» հիմնադրամի տարածաշրջանային ծրագրի ղեկավարին

Հունիսի 13-ին ՀՀ ԱԳ նախարար Արարատ Միրզոյանն ընդունել է «Կոնրադ Ադենաուեր» հիմնադրամի «Քաղաքական երկխոսություն Հարավային Կովկաս» տարածաշրջանային ծրագրի…
Դիտել

Ադրբեջանական ԶՈՒ-ն կրակել է դաշտերում աշխատող կոմբայնի ուղղությամբ․ ՊԲ

Արցախի ՊԲ-ից հայտնում են, որ սեպտեմբերի 7- ին, ժամը 12:10-ի սահմաններում ադրբեջանական ԶՈւ ստորաբաժանումները կրակ են բացել Սարուշեն…
Դիտել

Ադրբեջանական զինված ուժերի արարքները պետք է դիտարկել նաև ադրբեջանական բարձրագրույն իշխանությունների հայատյացության քաղաքականության համատեքստում.Արման Թաթոյան

Կառավարությունը պարտավոր է ձեռնարկել գործուն քայլեր՝ երաշխավորելու համար ՀՀ ողջ բնակչության, ՀՀ քաղաքացների իրավունքները, իսկ միջազգային հանրությունը պետք…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share