Ադրբեջանի ԱԳՆ մամուլի քարտուղար Այհան Հաջիզադեն արձագանքել է Ֆրանսիայի վարչապետ Գաբրիել Ատալի՝ հայ համայնքի հետ հանդիպման ժամանակ արած հայտարարություններին։ Հիշեցնենք՝ Ատալն ասել էր, որ Ադրբեջանից պահանջել է ետ քաշել իր ուժերը Հայաստանի գրավյալ դիրքերից՝ գնահատելով, որ Ադրբեջանի նախագահ Իլհամ Ալիևն ինքն է ընդունում, որ ադրբեջանական ուժերն առաջ են շարժվել Հայաստանի տարածքի մի քանի կետում։
Հաջիզադեն ասել է, որ ադրբեջանական կողմը խստորեն դատապարտում է Ֆրանսիայի վարչապետ Գաբրիել Ատալի կողմից Ֆրանսիայի հայկական կազմակերպությունների համակարգող խորհրդի ամենամյա միջոցառման ժամանակ հնչեցրած անհիմն պնդումները և կոչ է անում չխառնվել Ադրբեջանի ներքին գործերին։