«Բրոնզեդարյան Մարդուց» մինչև մերօրյա «Մադոննաններ»

Հոր արվեստանոցից ժառանգված երևակայությունն ու տաղանդն այսօր Հայկ Հովհաննիսյանին սեփական արվեստանոցում օգնում են հրաշքներ կերտել քանդակների,  գեղանկարչության, ծավալատարածական մետամարֆոզների տեսքով։  Մանկավարժների ընտանիքում ծնված Հայկը սկսել  է ստեղծագործել  համեմատաբար վաղ տարիքում.

«Ինչ ասել է  ստեղծագործել. դա խաղ էր ինձ համար, մանկական վառ երեւակայություն և փափուկ ու տաք կավ ծեփիր ինչ կուզես»,-ասում է նա։ Ու այդ մանկական խաղը տարիների ընթացքում հղկվելով, ճգնաժամերի միջով անցնելուց հետո այսօր ներկայանում է այնպես, որ այցելուները վառ տպավորություններով են հեռանում նկարչական «դարբնոցից»:

«Դեռ փոքրուց հորս կողմից ժառանգած գենը գեղեցիկով հմայվելու ակնածանքն ու տարերքը, տարիները պահել են իմ մեջ, ուստի ազատ ժամանակս միշտ տվել եմ քանդակին»,-առանձնացնում է նա, հավեվլելով, որ քանդակն ավելի մնայուն արժեք է, քանի որ քանդակի մեջ մաքառումն ավելի ծանր է, իսկ գեղանկարչությունն ինքնին փափուկ է  գույներով։ 

Կյանքով, մարդու ներաշխարհով ոգեշնչվող քանդակագործ-նկարիչը անդրանիկ ցուցահանդեսով ամփոփեց տարին, որտեղ ներկայացված էին մետամարֆոզներ ու կտավներ։ Վերջին տարիների մտորումներն ամփոփված  են արվեստանոցում ծնված աշխատանքներում, որը սկսվում է «Բրոնզեդարյա Մարդուց»  և հասնում մինչեւ մերօրյա «Մադոննա»-ներ։ 

«Բրոնզեդարյա Մարդը» մետամարֆոզի մասին Հայկը մեկնաբանում է. «Կերտել եմ նոր շրջանի, նոր դարի մարդուն ահասարսուռ նորի հանդեպ բնազդային վախով և նորաբաց հորիզոնների նկատմամբ հետաքրքրության մոլուցքով տոգորված, ներկայի և ապագաայի կիզակետում հայտված գերմարդուն»:

Յուրաքանչյուրաշխատանքում երևում էր ջանասիրություն, նորը ստեղծելու և դրանով առանձնահատուկ դառնալու ձգտում։ Վերջին չորս տարիների մտորումները, սերը, բարկությունն ու կիրքը կտավներում արտացոլված գլխավոր հերոսներից առանձնացված է Մադոննան, որը երեւում է գրեթե ամենուր` տարբեր կերպարներով։ Այդ յուրահատուկ կերպարի ընտրության մասին զրույցի ընթացքում Հայկ Հովհաննիսյանը նշեց, որ  «Մադոննա»-ները զուր չեն ընտրված. նրանք ներկայիս սերնդի  կանայք են, որոնք  ցանկացած ժամանակաշրջանում  ակտուալ են։

«Կինը երբեք ժամանակից դուրս չի լինում, միայն թե փոխվում են նրա ներկայացման  ձևաչափերը», -զրույցն ամփոփեց նա։

Հեղինակ՝ Հեղինե Մխիթարյան, ՀՊՄՀ Լրագրության բաժին

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Հանրապետության ամբողջ տարածքում սպասվում են տեղումներ

Հաջորդը

Գարեգին Երկրորդ կաթողիկոսի հանդիսապետությամբ Սուրբ Գայանե վանքում մատուցվել է Ճրագալույցի Սուրբ Պատարագ

Առնչվող նյութեր
Դիտել

Բանակում արձակուրդները սահմանափակվում են

Վերջին շրջանում COVID-19-ի հիվանդացության աճով պայմանավորված՝ ՀՀ զինված ուժերում իրականացվում են սանիտարահիգիենիկ և հակահամաճարակային միջոցառումներ, այս մասին հայտարարություն…
Դիտել

Ռուբինյանը և Կլաարը քննարկել են ՀՀ-ԵՄ գործակցությանը և տարածաշրջանային իրավիճակին վերաբերող հարցեր

Հայաստանի Ազգային ժողովի նախագահի տեղակալ Ռուբեն Ռուբինյանն ապրիլի 22-ին ընդունել է Հարավային Կովկասի և Վրաստանի ճգնաժամի հարցերով ԵՄ…
Դիտել

Ավտովթար Երևան-Աբովյան ավտոճանապարհին․ կան զոհեր և մեկ տուժած

Արտակարգ իրավիճակների նախարարությունը տեղեկացնում է, որ մայիսի 30-ին, ժամը 04:46-ին Ճգնաժամային կառավարման ազգային կենտրոն ահազանգ է ստացվել, որ…
Դիտել

Թբիլիսիում ակցիա է անցկացվել՝ Ռուսաստանի հետ ուղիղ ավիահաղորդակցությունից հրաժարվելու պահանջով

Վրաստանի քաղաքացիները երկուշաբթի երեկոյան Թբիլիսիի խորհրդարանի մոտ բողոքի ոչ մեծ ակցիա են անցկացրել՝ իշխանություններին կոչ անելով հրաժարվել Ռուսաստանի…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share