Եղեգնաձորում բացվեց ՀՀ-ում ԵՄ դիտորդական առաքելության կենտրոնակայանը

Եղեգնաձորում տեղի ունեցավ Հայաստանում Եվրոպական Միության քաղաքացիական դիտորդական առաքելության կենտրոնակայանի բացման հանդիսավոր արարողությունը։

«Արմենպրես»-ի հաղորդմամբ՝ Հայաստանում ԵՄ դիտորդական առաքելության ղեկավար Մարկուս Ռիտերը հիշեց, որ 2023 թվականի փետրվարի 20-ին ինքը կրկին Եղեգնաձորում էր,  կանգնած էր մի քանի փողոց այն կողմ և պաշտոնապես բացում էր ԵՄ  առաքելությունը։  «Այդ ժամանակ ես ունեի ընդամենը 2 մշտական աշխատակից, երեք դաշտային գրասենյակներ, որոնք գործում էին և մեծապես կախված էին Բրյուսելի աջակցությունից, անդամ պետություններից, անվտանգության և պաշտպանության ընդհանուր քաղաքականության Եվրոպայի առաքելություններից՝ հատկապես Վրաստանում ԵՄ-ի առաքելությունից։ «Այսօր՝ 8 ամիս անց, ես կանգնած եմ մեր նոր գլխամասի առջև՝ առաքելության 93 անդամներով, որոնք ուղարկված են ԵՄ անդամ 23 պետություններից։ Թեև որոշ բարդություններ են եղել, ես կարող եմ հպարտորեն ասել, որ ԵՄ առաքելությունը հասել է իր լիարժեք գործառնական կարողություններին։

Սեպտեմբերի սկզբին մենք ունեինք 6 գրասենյակ Կապանում, Գորիսում, Ջերմուկում, Եղեգնաձորում և Իջևանում։ Մեր պարեկների օգնությամբ մենք կարողանում ենք աշխատել Հայաստանի և Ադրբեջանի միջև միջազգային սահմանի ողջ երկայնքով»,- ասաց Ռիտերը՝ հավելելով, որ անցած շաբաթ անցկացրել են 1000-րդ պարեկությունը հայ-ադրբեջանական սահմանին։

Ռիտերը շեշտեց, որ սահմանամերձ շրջաններում իրենց ներկայությամբ նպաստում են լարվածության թուլացմանը և տեղի բնակչության շրջանում անվտանգության զգացման բարձրացմանը։ «Մենք ամբողջ ԵՄ-ի և միջազգային հանրության ուշադրությունը հրավիրում ենք այս հակամարտության վրա և մեր զեկույցներով մենք նպաստում ենք Հայաստանի և Ադրբեջանի միջև կարգավորման գործընթացին՝ ԵՄ-ի աջակցությամբ։ Ես ցանկանում եմ շնորհակալություն հայտնել մեզ հյուրընկալող Հայաստանի Հանրապետությանը և տեղական իշխանություններին իրենց աջակցության համար։ Կարծում եմ բոլորս համաձայն ենք, որ այս տարածաշրջանն արժանի է տևական խաղաղության և կայունության և հուսով եմ, որ մենք միասին կկարողանանք նպաստել այդ նպատակի իրականացմանը»,- եզրափակեց ՀՀ-ում ԵՄ դիտորդական առաքելության ղեկավարը։

Հայաստանում Եվրոպական Միության պատվիրակության ղեկավար Վասիլիս Մարագոսը նշեց, որ սա Հայաստանում ԵՄ-ի առաքելության լիարժեք սկիզբն է։

«ԵՄ-ի առաքելությունը այս տարվա փետրվարին իր գործունեության մեկնարկից ի վեր արժեքավոր ներդրում է ունեցել Հայաստանի կայունության գործում։ Մենք ավելի քան 1000 պարեկություն ենք իրականացրել և հազարավոր կիլոմետրեր ենք անցնում ամեն օր՝ կառուցելով վստահություն և դրանով իսկ նպաստելով Հայաստանի և Ադրբեջանի միջև հարաբերությունների նորմալացմանն ուղղված ջանքերին»,- ասաց Մարագոսը։  

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Հարավային Կովկասում կայուն խաղաղության հաստատումը Եվրամիության հիմնական նպատակներից մեկն է․Վասիլիս Մարագոս

Հաջորդը

Տիգրան Ավինյանը վարչական շրջանների ղեկավարներ է նշանակել

Առնչվող նյութեր
Դիտել

Լաչինի այլընտրանքային ճանապարհի աշխատանքները մինչև գարուն կավարտվեն

ՀՀ տարածքային կառավարման և ենթակառուցվածքների նախարար Գնել Սանոսյանը կառավարության նիստից առաջ հայտարարել է՝ Լաչինի այլընտրանքային ճանապարհի կառուցման աշխատանքները…
Դիտել

Աննա Հակոբյանը հանդիպել է Վլադիմիր Զելենսկու և նրա կնոջ հետ

Վարչապետ Նիկոլ Փաշինյանի կինը՝ Աննա Հակոբյանը, որն այս օրերին գտնվում է Կիևում, լուսանկարներ է հրապարակել Ուկրաինայի նախագահ Վլադիմիր…
Դիտել

Մտահոգված ենք Երուսաղեմի Հայոց պատրիարքարանի դեմ ուղղված բռնությունների կապակցությամբ․ ԱԳՆ

ՀՀ ԱԳՆ մամուլի քարտուղար Վահան Հունանյանը թվիթերի իր միկրոբլոգում անդրադարձել է Երուսաղեմում տեղի ունեցած միջադեպին.  «Մենք խորապես մտահոգված…
Դիտել

Պատգամավորները առաջարկում են ոչ թե կոչ անել ՌԴ-ին, այլ՝ պահանջել նրանից

ԱԺ «Քաղաքացիական պայմանագիր» խմբակցության պատգամավորներն առաջարկում են Արցախի շուրջ ստեղծված իրավիճակի վերաբերյալ ԱԺ հայտարարության նախագծի՝ ՌԴ-ին ուղղված հատվածում…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share