Այսօրվա նիստում ՀՀ հանրային ծառայությունները կարգավորող հանձնաժողովը հաստատեց էլեկտրական էներգիայի սակագները: Սակագների վրա ազդեցություն ունեցող բոլոր դրական և բացասական գործոնների վերլուծության արդյունքում «Հայաստանի էլեկտրական ցանցեր» ՓԲԸ-ի կողմից սպառողներին վաճառվող էլեկտրական էներգիայի սակագների վերանայման անհրաժեշտություն չի առաջացել, և գործող սակագները բոլոր սպառողների համար կմնան անփոփոխ։
Միաժամանակ տեղեկացնում ենք, որ հանձնաժողովի նախաձեռնությամբ սկսված էլեկտրաէներգետիկական համակարգի ընկերությունների սակագների վերանայման արդյունքում սահմանվեցին նաև 2024 թվականի փետրվարի 1-ից գործող էլեկտրաէներգետիկական համակարգի խոշոր արտադրող կայանների և ծառայություններ մատուցող ընկերությունների նոր սակագները։
Նշենք, որ ներկայում տնային տնտեսությունների համար ցերեկային և գիշերային սակագինը 46, 48 և 36,48 դրամ է (ամսական մինչեւ 200 կՎտ/ժ սպառման դեպքում)։ 201-400 կՎտ/ժ-ի դեպքում սակագները կլինեն 48,48 և 38,48 դրամ, 400 կՎտ/ժ եւ ավելի սպառման դեպքում` 53,48 և 43,48 դրամ։
Անապահով ընտանիքների համար սակագինը կլինի 29,99 եւ 19,99 դրամ:
