Երևանն ու Բաքուն 2 կարևոր հարցի շուրջ տարաձայնություն ունեն. Արարատ Միրզոյան

Անթալիայի դիվանագիտական համաժողովի շրջանակներում ՀՀ ԱԳ նախարար Արարատ Միրզոյանը հարցազրույց է տվել Թուրքիայի «Անադոլու» լրատվական գործակալությանը և, ի թիվս այլ հարցերի, խոսել հայ-ադրբեջանական բանակցություններից ու կարգավորման գործընթացից։ 

Ըստ Միրզոյանի, կողմերի միջև կան որոշակի խնդիրներ, որոնցից մի քանիսի շուրջ համաձայնության են եկել։ Միրզոյանը նշել է, որ երկու կարևոր հարցերի շուրջ կողմերի մոտեցումները տարբեր են։ Խնդիրներից առաջինը երկու երկրների սահմանների որոշման սկզբունքն է, իսկ երկրորդը՝ տարածաշրջանային կապերի ու տրանսպորտային հանգույցների ապաշրջափակումը։

Նշելով, որ ոչ ոք նոր սահմաններ գծելու իրավասություն չունի, Միրզոյանն ասել է, որ Երևանը ցանկանում է, որ Ալմա Աթայի 1991թ. հռչակագիրը ներառվի խաղաղության համաձայնագրի նախագծում։ Միրզոյանը հայտարարել է, որ այս հարցում Ադրբեջանից դրական պատասխան չի ստացվել։

Միրզոյանը նաև նշել է, որ հայկական կողմը «պատրաստ է բացել տրանսպորտային երթուղիները տարածաշրջանի բոլոր ուղիների և հանգույցների երկայնքով»։ Նա հավելել է, որ հայկական կողմը դեմ է երրորդ երկրների ներգրավմանը, որոնք պետք է ապահովեն Հայաստանով անցնող տրանսպորտային ուղիների, կյանքի և գույքի անվտանգությունը և ասել, որ տարածաշրջանում տրանսպորտային ուղիները «պետք է լինեն այն երկրի ինքնիշխանության և իրավասության ներքո, որտեղ գտնվում են։ Կարևոր են փոխադարձության ու հավասարության սկզբունքները։ Գործընթացը պետք է կառուցվի այս մոտեցումներով»։

Արարատ Միրզոյանը մատնանշել է, որ փոխադարձության ու հավասարության նույն սկզբունքը պիտի գործի Ադրբեջանով անցնող տրանսպորտային ուղիների վրա, և որ այնտեղով անցնող ճանապարհների վերաբերյալ նույնպիսի լիազորությունները պետք է պատկանեն Բաքվին։ Միրզոյանը, սակայն, ընդգծել է, որ ադրբեջանական կողմը հավանություն չի տվել այդ սկզբունքին։

Հարցին, թե Գերմանիայի մայրաքաղաք Բեռլինում իր ադրբեջանցի գործընկեր Ջեյհուն Բայրամովի հետ հանդիպման ժամանակ որոշվել է արդյո՞ք հաջորդ հանդիպման օրը, Միրզոյանը պատասխանել է, որ նոր հանդիպման օրը որոշված ​​չէ, իրենք մշտական ​​կապի մեջ են և հույս ունեն առաջիկայում որոշել հանդիպման նոր ժամկետ։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Կիպրոսը կողմ է ՀՀ-ում ԵՄ առաքելության ավելացմանը

Հաջորդը

Հայաստանի և Թուրքիայի միջև առկա են շարունակական շփումներ, որոնք դրական դինամիկա են ապահովում. Արարատ Միրզոյան

Առնչվող նյութեր
Դիտել

Սյունիքի մարզում մեղվի խայթոցի պատճառով 36-ամյա վարորդը Nissan Teana-ով հայտնվել է դաշտում

Հուլիսի 29-ին, արտակարգ դեպք է տեղի ունեցել Սյունիքի մարզում։ Ժամը 15։40-ի սահմաններում Արմավիրի մարզի բնակիչ՝ 36-ամյա Սարգիս Ս-ն…
Դիտել

Հուլիսի 17-ից Երևանի բոլոր անձնագրային ծառայությունները կսպասարկեն էլեկտրոնային հերթագրման համակարգով

ՀՀ ՆԳՆ Միգրացիայի և քաղաքացիության ծառայությունից տեղեկացնում են, որ հուլիսի 17-ից Երևանի բոլոր անձնագրային ծառայություններն անցում կկատարեն էլեկտրոնային…
Դիտել

Ստեփանակերտում կայացել է մեծ հանրահավաք

Արցախի Հանրապետության Ազգային ժողովի՝ հոկտեմբերի 30-ին հրավիրված արտահերթ նիստին զուգահեռ Ստեփանակերտի Վերածննդի հրապարակում կայացել է մեծ հանրահավաք:Ստեփանակերտից և…
Դիտել

Ժամը 17:00 դրությամբ բոլոր ճանապարհները բաց են

«Ճանապարհային դեպարտամենտ» հիմնադրամը տեղեկացնում է, որ հունվարի 31-ին՝ ժամը 17։00-ի դրությամբ, Մասիսի, Արարատի, Արթիկի, Նաիրիի, Աբովյանի, Հրազդանի, Սևանի,…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share