ԱՄՆ Թեքսաս նահագնի Սուրբ Սարգիս հայկական եկեղեցին ճանաչվել է ԱՄՆ-ի 2022 թվականի լավագույն շինությունը։
Ճարտարապետ Դեյվիդ Հոթսոնը կարծում է, որ եկեղեցու հեղինակությունը կօգնի բարձրացնել Արցախում քրիստոնյաների հալածանքների հարցը։
Թեքսաս նահանգի Դալլասի արվարձան Քերոլթոն քաղաքի Սուրբ Սարգիս եկեղեցու հանդիսավոր օծումը տեղի է ունեցել 2022 թվականի ապրիլի 24-ին՝ Օսմանյան կայսրությունում Հայոց ցեղասպանության զոհերի հիշատակի օրը։ Այս խորհրդանշական ուղերձն ուղղակիորեն արտացոլված է եկեղեցու ճարտարապետությունում։
Կառույցը նախագծել է ճարտարապետ Դեյվիդ Հոթսոնը Նյու-Յորքից։ Նախագծի ճարտարապետ և նախագծման համահեղինակն է Թեքսասում բնակվող ճարտարապետ Ստեփան Թերզյանը:
Եկեղեցին կառուցվել է՝ ՅՈՒՆԵՍԿՕ-ի համաշխարհային ժառանգության ցանկում է ընդգրկված 7-րդ դարի հայկական Սուրբ Հռիփսիմե եկեղեցու օրինակով։
Շինության մակերեսին պատկերված է՝ Ցեղասպանության զոհերի թիվը խորհրդանշող 1,5 միլիոն շրջանաձև պատկերակներից կազմված «Կյանքի ծառը»՝ մեջտեղում մեծ խաչով։
