Հաստատվել է սահմանազատման հանձնաժողովների աշխատակարգը

Կառավարությունը հաստատեց Հայաստանի ու Ադրբեջանի պետական սահմանի սահմանազատման և սահմանային անվտանգության հարցերով հանձնաժողովների նիստերի և համատեղ աշխատանքային հանդիպումների կազմակերպման և անցկացման աշխատակարգը։ 

Արդարադատության փոխնախարար Արա Մկրտչյանը նշեց, որ տեքստը հանձնաժողովներում համաձայնեցվել է նոյեմբերի 30-ին, և հիմա դրանք պետք է հաստատեն կառավարությունները. «Սահմանվում են երկու պետությունների ստեղծած սահմանազատման հանձնաժողովների հարաբերություններն ու նիստերի անցկացման, համատեղ աշխատանքների կազմակերպման ընթացակարգերը։ Մասնավորապես, սահմանվում է, որ նիստերի անցկացման ամսաթիվը, ժամը և վայրը որոշվում են հանձնաժողովների նախագահների միջև համաձայնությամբ»,- ասել է նա։ 

Ըստ փոխնախարարի՝ նիստերը անցկացվելու են Հայաստանի և Ադրբեջանի տարածքներում՝ հաջորդաբար, նաև՝ սահմանին, երրորդ երկրների տարածքում կամ տեսակոնֆերանսի միջոցով․ «Նախագծի ընդունումը կարևոր քայլ կլինի հանձնաժողովների աշխատանքի կազմակերպման իրավական հիմքերի ամրագրման գործում»,- ասել է նա։

Մհեր Գրիգորյանն էլ ասաց, թե այս պահին կազմակերպչական հարցեր են որոշվել, իսկ հաջորդ փուլին պետք է մշակվի այլ կանոնակարգ, որն ավելի բովանդակային կլինի. «Այդ փաստաթղթով մեթոդաբանությունը կնկարագրենք ու կհստակեցնենք, թե ինչ ենք հասկանում «քարտեզ» սահմանման տակ և իրավաբանական նշանակություն ունեցող փաստաթղթի անվան տակ։ Կարծում եմ՝ այդ մեթոդաբանությունը համաձայնեցնելուց հետո աշխատանքը կշարունակենք փաստաթղթերով ու քարտեզների քննարկման ձևաչափով»։

Ըստ Գրիգորյանի՝ ադրբեջանակն կողմը ևս այսօր կհաստատի այդ փաստաթուղթը։

Վարչապետ Նիկոլ Փաշինյանն էլ նշեց. «Սահմանազատման գործընթացն առաջին անգամ դրվում է ինստիտուցիոնալ հենքի վրա, ինչը շատ կարևոր է»։

Կառավարությունն ավելի ուշ կհրապարակի փաստաթուղթը։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Կուզենայի երեկվա իրադարձությունը համարել մի զրոյական կետ. Նիկոլ Փաշինյան

Հաջորդը

Երթևեկության փոփոխություն Գայի պողոտայում

Առնչվող նյութեր
Դիտել

Այսօր սպասվում է քամու ուժգնացում

ՇՄՆ Հիդրոօդերևութաբանության և մոնիթորինգի կենտրոն-ը տեղեկացնում է, որ մարտի 6-ինցիկլոնի անցմամբ պայմանավորված՝ հանրապետության տարածքում սպասվում է քամու ուժգնացում։…
Դիտել

Ֆրանսիան պատրաստակամ է աջակցելու ՆԳ նախարարությանը

Մարտի 16-ին ՀՀ ներքին գործերի նախարար Վահե Ղազարյանն ընդունել է Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան…
Դիտել

ԱՄՆ-ն կոչ է անում անհապաղ միջոցներ ձեռնարկել՝ լարվածությունը թուլացնելու և էսկալացիան կանխելու ուղղությամբ. Նեդ Փրայս

«Միացյալ Նահանգները խիստ մտահոգված է Լեռնային Ղարաբաղի շուրջ ինտենսիվ մարտական գործողությունների, ինչպես նաև՝ վիրավորների ու զոհերի մասին հաղորդումներով…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share