Իսրայելի վրա ՀԱՄԱՍ-ի հարձակման զոհ է դարձել 22 մարդ:
Նման տվյալներ է ներկայացրել The Times of Israel-ը։ Ավելի քան 300 մարդ է տուժել, գրում է պարբերականը:
ՀԱՄԱՍ-ը պնդում է, որ Իսրայելի ևս 35 քաղաքացի, որոնց թվում կան զինվորականներ, գերեվարվել են: Բացի այդ, շարժումը հայտնում է իսրայելական Merkava Mk4 տանկի ոչնչացման մասին:
Հիշեցնենք՝ այսօր առավոտ Իսրայելի բանակը հայտարարել է Գազայի հատվածից «անորոշ թվով» զինյալների սահմանամերձ շրջաններ ներթափանցման մասին, ականատեսները սոցցանցերում հայտնում են փողոցային մարտերի մասին:
Իսրայելական բանակը հայտարարել է ռազմական բարձր պատրաստության վիճակի մասին: Իսրայելի պաշտպանության նախարարը Գազայի գնդակոծությունների ֆոնին զինվորական ծառայության կանչել պահեստազորայիններին:
Գազայի հատվածից Իսրայելի տարածքի վրա զանգվածային հրթիռային հարձակում է սկսվել, աշխատում է ՀՕՊ-ը:
Արտակարգ դրություն է մտցվել նաև երկրի կենտրոնական մասում։ Թել Ավիվում միացել է տագնապի ազդանշանը