Նոր մանրամասներ Երևանում 25 անչափահասների մասնակցությամբ ծեծկռտուքից

2024 թվականի հունվարի 19-ին «Սուրբ Աստվածամայր» բժշկական կենտրոնից ՀՀ ՆԳՆ  ոստիկանության Կենտրոնական բաժին հաղորդում է ստացվել այն մասին, որ Երևան քաղաքի Սայաթ-Նովա 1Ա հասցեում՝ Կոնսերվատորիայի բակից, միջին ծանրության տարբեր մարմնական վնասվածքներով, իրենց մոտ է տեղափոխվել երեք անչափահաս՝ ծնված 2006 և 2007թթ․։
Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 297-րդ հոդվածի 2-րդ մասի 1-ին կետի և 167-րդ հոդվածի 2-րդ մասի 7-րդ կետի հատկանիշներով։

Իրականացված քննչական և վարութային գործողությունների, ինչպես նաև ձեռնարկված օպերատիվ միջոցառումների արդյունքում պարզվել է, որ 2024թ․ հունվարի 19–ին՝ ժամը 16:00-ից 17:00-ն ընկած ժամանակահատվածում, թվով 25 անչափահասներ` Երևան քաղաքից և մարզերից, անձնական հարցերի շուրջ պարզաբանումներ կատարելու նպատակով, հավաքվել են  Կոնսերվատորիայի բակում։ Այնուհետև տեղափոխվել են նույն հաստատության հետևի բակ, որտեղ խոսակցությունը վերածվել է վիճաբանության, որի ընթացքում վիճաբանության մասնակիցները փոխադարձ հարվածներ են հասցրել միմյանց։ 

Նախաքննությամբ միջադեպին մասնակից գրեթե բոլոր անչափահասների ինքնությունը պարզված է։ Երկու անչափահաս բերվել են ոստիկանություն, ևս մեկը ներկայացել է ինքնակամ, սակայն բոլորն էլ արգելանքից ազատվել են։ Ներկա դրությամբ որևէ անձի նկատմամբ հանրային քրեական հետապնդում դեռևս հարուցված չէ։

Քրեական վարույթով էական նշանակություն ունեցող մի շարք հանգամանքներ պարզելու համար հանձնարարություն է տրվել Ոստիկանության համապատասխան բաժնին:

Նախաքննությունը շարունակվում է:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Նիկոլ Փաշինյանը շնորհավորական ուղերձ է հղել Հնդկաստանի Հանրապետության վարչապետին

Հաջորդը

ՏԵՍԱՆՅՈՒԹ. Նիկոլ Փաշինյանն այցելել է «Եռաբլուր» զինվորական պանթեոն

Առնչվող նյութեր
Դիտել

Պատմական Հայաստանի քատեզն ավելի լավ որակով ցուցադրվում է լեդ էկրանի վրա. Մետրոպոլիտեն

Երևանի մետրոպոլիտենից հայտնում են. «Ի պատասխան հանրության շրջանում առաջացած բողոքի, թե Երևանի մետրոպոլիտենի «Հանրապետության հրապարակ» կայարանից հանվել է…
Դիտել

Կարևոր է, որ Հայաստանը և Ադրբեջանը հավատարիմ մնան համաձայնեցված օրակարգին․ Կլաար

Վերադարձել եմ Բաքվից և Երևանից, որտեղ քննարկեցի հարաբերությունների համապարփակ կարգավորմանն ուղղված հետագա քայլերը։ Այս մասին X-ի իր էջում…
Դիտել

Ալիևի հաղթանակը կնպաստի տարածաշրջանում խաղաղության հաստատմանն ուղղված ջանքերի ակտիվացմանը․ ԱՊՀ գլխավոր քարտուղար

Փետրվարի 7-ի արտահերթ նախագահական ընտրություններում Ադրբեջանի գործող նախագահի հաղթանակը կարող է նպաստել տարածաշրջանում տևական խաղաղության հաստատմանն ուղղված ջանքերի…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share