Ադրբեջանի նախագահ Իլհամ Ալիևը հունվարի 23-ին ընդունել է Ռուսաստանի փոխվարչապետ, հայ-ռուս-ադրբեջանական միջկառավարական հանձնաժողովի համանախագահ Ալեքսեյ Օվերչուկին: Զրույցի ընթացքում ընդգծվել է, որ տնտեսական համագործակցությունն ունի լայն օրակարգ, առաջիկա ժամանակահատվածում նախատեսվում են այս ոլորտում նոր ուղղությունների վերաբերյալ ծրագրեր:
Առևտրաշրջանառության 17,5% աճը, ինչպես նաև բեռնափոխադրումների և տարանցիկ փոխադրումների շարունակական աճը գնահատվել են որպես լավ ցուցանիշ։ Ընդգծվել է 2024-2026թթ.ադրբեջանա-ռուսական համագործակցության առանցքային ուղղությունների զարգացման ճանապարհային քարտեզի ստորագրման կարևորությունը։ Հանդիպմանը մտքեր են փոխանակվել տրանսպորտային-լոգիստիկ ոլորտին, Հյուսիս-Հարավ տրանսպորտային միջանցքի առաջմղմանը վերաբերող հարցերի շուրջ:
