Քաղաքացիներն ապօրինի պահվող զենք-զինամթերք են հանձնել

Ոստիկանության տարածքային ստորաբաժանումների ծառայողները շարունակում են ամենօրյա ակտիվ բացատրական աշխատանքը՝ բնակչության մոտ ապօրինի պահվող զենք-զինամթերքի կամավոր հանձնման ուղղությամբ։

Նոյեմբերի 15-ին ոստիկանության Կոտայքի բաժին զանգած քաղաքացին հայտնել էր, որ Ջրաբեր գյուղի ճանապարհի կիսակառույց շինությունում զենք-զինամթերք է թողել։ Նշված վայր մեկնած օպերատիվ խումբը հայտնաբերել է ակոսափող հրազեն, «Կալաշնիկովի» 3 ինքնաձիգ, թմբուկավոր ատրճանակ, «Մակարովի» նմանվող 3 ատրճանակ, որսորդական հրացան, «Կալաշնիկովի» ինքնաձիգի 5 փամփշտատուփ, որոնցից մեկը լիցքավորված էր տարբեր տրամաչափի փամփուշտներով, 4 նռնակի պայթուցիչ, պայթուցիչով և առանց պայթուցիչի 2 նռնակ և 5,45 տրամաչափի 1080 փամփուշտ։

Ոստիկանության Գորիսի բաժնի ծառայողների բացատրական աշխատանքի արդյունքում Խնձորեսկ գյուղի մի բնակիչ կամավոր հանձնել է «Կալաշնիկովի» 12 ինքնաձիգ, 26 պահունակ՝ լիցքավորված 7,62 մմ տրամաչափի 780 փամփուշտով, 22 դատարկ պահունակ, 12-ական գոտեպայուսակ, զրահաբաճկոն և սաղավարտ։

Ներքին Խնձորեսկ գյուղի մի բնակիչ Գորիսի բաժին է բերել «Կալաշնիկովի» ինքնաձիգ, 1967 թվականի արտադրության ինքնաձիգ, 4 պահունակ՝ լիցքավորված 7,62 մմ տրամաչափի 120 փամփուշտով և ռազմամթերք՝ շնորհիվ ծառայողների իրականացրած միջոցառումների։

Ոստիկանության Սևանի պահպանության բաժնի Մարտունու դասակի ծառայողների բացատրական աշխատանքի շնորհիվ արձանագրվել է «Կարաբին» տեսակի հրացանի, Ֆ-1 տեսակի պայթուցիչներով 2 նռնակի և այլ ռազմամթերքի կամավոր հանձնման դեպք։

Կրկին հորդորում ենք ապօրինի զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Դմիտրի Պեսկովը մեկնաբանել է Նիկոլ Փաշինյանի հայտարարությունը

Հաջորդը

Քաղաքացու որդին տնից փողերը գողացել և տանուլ է տրվել բուքմեյքերական կայքում

Առնչվող նյութեր
Դիտել

Արցախի փրկարարները հայտնաբերել են ևս 2 աճյուն

Ջրականի (Ջաբրայիլ) շրջանում այսօր իրականացված որոնողական աշխատանքների արդյունքում Արցախի փրկարարները հայտնաբերել են ևս 2 աճյուն: Նրանց ինքնությունը կպարզվի…
Դիտել

Դուբայի օդանավակայանում քաոսային վիճակ է ստեղծվել փոթորկի և հեղեղների հետևանքով

Պարսից ծոցի երկրներում հորդառատ անձրևների պատճառով խափանվել են թռիչքները աշխարհի ամենազբաղված օդանավակայաններից մեկում՝ Դուբայի միջազգային օդանավակայանում։ «Արմենպրես»-ի փոխանցմամբ՝ այս…
Դիտել

ՃՏՊ կանխարգելման արդյունավետության բարձրացման միտումներ կան մարզերում, որտեղ ներդրվել է պարեկային ծառայությունը

2022 թվականի ընթացքում Ազգային ժողովն ընդունել է Ներքին գործերի նախարարության ձեւավորման օրենսդրական փաթեթը: Նոր նախարարության կառուցվածքի հենքն է…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share