Գերմանիայում այսօր կմեկնարկեն ՆԱՏՕ-ի Air Defender խոշորամասշտաբ ռազմաօդային զորավարժությունները: Այդ մասին «Արմենպրես»-ը տեղեկանում է «Интерфакс» գործակալությունից:
Նշվում է, որ ըստ Բունդեսվերի հաղորդագրության՝ ՆԱՏՕ-ի զորավարժությունները կտևեն մինչև հունիսի 23-ը: Դրանց մասնակցում են 25 երկրների 10 հազար զինվորականներ, 250 ինքնաթիռ։
Զորավարժություններին կմասնակցեն նաև ամերիկյան հինգերորդ սերնդի F-35 բազմանպատակային կործանիչներ։
