«Ինտերն» այլևս հետաքրքրված չէ «Մանչեսթեր Յունայթեդի» հարձակվող Կրիշտիանու Ռոնալդուի ծառայություններով: Պորտուգալացին ամենայն հավանականությամբ, կհեռանա իր ներկայիս ակումբից ձմեռային տրանսֆերային պատուհանի ժամանակ, հայտնում է Sportmediaset-ը:
Ներաձուրիները մտադիր չեն գնել 37-ամյա պորտուգալացուն՝ խաղացողի բարձր աշխատավարձի պատճառով։
Նոյեմբերի 18-ին հայտնի դարձավ, որ «Մանչեսթեր Յունայթեդը» սկսել է Ռոնալդուի հետ պայմանագիրը խզելու գործընթացը՝ առանց փոխհատուցման վճարման։ Նաև ղեկավարությունը չի ցանկանում, որ պորտուգալացին ակումբ վերադառնա 2022 թվականին Կատարում կայանալիք աշխարհի առաջնությունից հետո։
Կրիշտիանու Ռոնալդուն այս մրցաշրջանում «Մանչեսթեր Յունայթեդի» կազմում անցկացրել է 16 հանդիպում՝ դառնալով 3 գոլի և 2 գոլային փոխանցման հեղինակ։
Պայմանագիրը նախատեսված է մինչև 2023 թվականի ամառ։