Ռուսաստանի խաղաղապահ զորակազմի մարդասիրական արձագանքման կենտրոնի զինծառայողները մարդասիրական ակցիա են անցկացրել Ստեփանակերտում, հայտնում է ՌԴ ՊՆ-ն:
Ռուսաստանի հասարակական կազմակերպությունների և բարեգործական հիմնադրամների կողմից տրամադրված մարդասիրական օգնությունը խաղապահները փոխանցել են բազմազավակ ընտանիքներին, փախստականներին և ներքին տեղահանված անձանց:
Խաղաղապահներն ավելի քան 3,5 տոննա մարդասիրական օգնություն են փոխանցել կարիքավորներին: Պատերազմից տուժած Լեռնային Ղարաբաղի շրջաններից և ներկայումս Ստեփանակերտում բնակվող մարդիկ հնարավորություն են ստացել ձեռք բերել առաջին անհրաժեշտության իրեր:
Ընդհանուր առմամբ՝ բարեգործական կազմակերպությունների միջոցով, ռուս խաղաղապահները Լեռնային Ղարաբաղի բնակիչներին են փոխանցել ավելի քան 155 տոննա հումանիտար պարագաներ: