Ֆուտբոլի Չեմպիոնների լիգայի քառորդ եզրափակչի պատասխան խաղում «Լիվերպուլը» տանը ոչ ոքի՝ 0։0 խաղաց Իսպանիայի չեմպիոնի հետ։ Այս թիմերի առաջին խաղում՝ «Ռեալը» Մադրիդում անգլաիական ակումբի նկատմամաբ առավելության էր հասել 3։1 հաշվով։
Դորտմունդում «Մանչեսթեր Սիթին» «Բորուսիային» հաղթեց 2։1 հաշվով։
Թիմերի առաջին խաղում եւս 2։1 հաշվով հաղթել էր «Մանչեսթեր Սիթին»։
Հիշեցնենք, որ մրցաշարի կիսաեզրափակիչ են դուրս եկել նաեւ Ֆրանսիայի չեմպիոն ՊՍԺ-ն եւ Լոնդոնի «Չելսին»։
Եզրափակիչում պայքարը շարունակելու համար ՊՍԺ-ն կմրցի «Մանչեսթեր Սիթիի», իսկ «Չելսին»՝ «Ռեալի» հետ։
Կիսաեզրափակիչի առաջին հանդիպումները տեղի կունենան ապրիլի 27-ին եւ 28-ին, պատասխան հանդիպումները՝ մայիսի 4-ին եւ 5-ին։