Այսօր ՀՀ-ում ԱՄՆ դեսպան Քվինն իր հավատարմագրերն է հանձնել Հայաստանի Հանրապետության նախագահ Վահագն Խաչատուրյանին. այս մասին տեղեկացնում է ՀՀ-ում ԱՄՆ դեսպանատունը։
Իր պաշտոնավարման շրջանում դեսպան Քվինը հետամուտ է լինելու հայ-ամերիկյան կապերի ամրապնդմանը. «Հայաստանում Միացյալ Նահանգների դեսպան լինելը առանձնահատուկ պատիվ է ինձ համար։ Անհամբերությամբ ուզում եմ ավելի լավ ճանաչել Հայաստանն ու հայ մարդուն և անել հնարավոր ամեն ինչ հանուն Հայաստանի խաղաղ և բարեկեցիկ ապագայի։ Միացյալ Նահանգները խիստ արժևորում է ընդհանուր ժողովրդավարական արժեքների վրա խարսխված գործընկերությունը Հայաստանի հետ»,- նշում է դեսպանը։
