Բազմամարդ Չարբախն առանց տրանսպորտի

Երևանի Շենգավիթ վարչական շրջանի Չարբախ թաղամասի տրանսպորտի խնդիրը կա և մնում է գերակա։ 2022 թվականի սկզբին շահագործումից հանվեցին 67, 41, 65 երթուղիների տրանսպորտային միջոցները և դրանց փոխարեն առ այսօր ոչ մի տրանսպորտ չի շահագործվում։

Մարդիկ իրար «գրկած», կամ շատ մոտ կանգնած են օգտվում տրանսպորտից։ Սարսափելին էլ այն է, որ կան տրանսպորտային միջոցներ, որոնք արդեն բազմամարդ են և պարզապես չեն կանգնում կանգառներում, և մարդիկ ստիպված 10-25 րոպե սպասում են նույն տրանսպորտին, որպեսզի չուշանան աշխատանքից, դասից և այլն։

Ի պատասխան նամակներին Երևանի քաղաքապետարանը անտրամաբանական պատասխան է տալիս՝ «Տրանսպորտային ոլորտի բարեփոխումները հնարավոր է իրականացնել միայն աստիճանաբար: Վստահեցնում ենք, որ շուտով փոփոխությունները տեսանելի կլինեն բոլորին՝ նաև Ձեզ»:

Ինչպես նկատում ենք պատասխանից՝ պարզ, չհուսադրող և անգիր արած տեքստեր են հղված հարցին, որն արդեն երկու անգամ ստանում է նույն պատասխանը։

Չի լինի չանդրադառնալ նաև Չարբախի մետրոյի անմխիթար վիճակին։ Վագոններում ավելի ցուրտ է քան՝ դրսում, սովորաբար 6 րոպե մետրոյին ապասելու փոխարեն ուղևորները սպասում են 8-10 րոպե։

Այս հիմնախնդրի շուրջ պետք է լրջագույն քայլեր ձեռնարկվեն, քանի որ բազմամարդ տրանսպորտում և մետրոյում շատ վտանգավոր իրադարձություններ կարող են տեղի ունենալ, որոնցից մեկն էլ գրպանահատությունն է։

Երևանի քաղաքապետարանը շարունակում է ոչ մի արձագանք չտալ այս գերակա հիմնախնդրին, այն դեպքում, երբ Չարբախ համայնքում ապրում է 6000-ից ավելի մարդ, որոնցից գրեթե 85%-ը չունի ավտմեքենա և երթևեկում է տրանսպորտով։

Մինչ Երևանի քաղաքապետարանը  մտածում է համայնքին տրանսպորտ տրամադրել թե ոչ՝տեղի բնակիչները շարունակում են երթևեկել մի քանի տրանսպորտով, տեղ հասնելու համար փոխելով դրանք։

Այնուամենայնիվ, հույս ունենք, որ  խնդիրը վերջապես կլուծվի և վերջապես Երևանի քաղաքապետարանի աշխատակազմը կհասկանա, որ ոչ բոլորն ունեն ավտոմեքենա և ամեն օր տաքսի ծառայություններից օգտվելու հնարավորություն։

Հեղինակ՝ Անժելա Սեդրակյան

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Նիդերլանդները արտաքսում է ռուս դիվանագետներին՝ մեղադրելով լրտեսության համար

Հաջորդը

Ազնվացեղ եղջերուին հանդիպելու հավանական տարածքներում ճանապարհային նշաններ կտեղադրվեն

Առնչվող նյութեր
Դիտել

Սերժ Սարգսյանը հարգանքի տուրք է մատուցել Հայոց ցեղասպանության զոհերի հիշատակին

ՀՀ երրորդ նախագահ Սերժ Սարգսյանն այսօր Հայոց ցեղասպանության 108-րդ տարելիցի կապակցությամբ այցելել է Ծիծեռնակաբերդի հուշահամալիր` հարգանքի տուրք մատուցել…
Դիտել

Միջազգային հանրությունն ունի անհրաժեշտ գործիքակազմը միջամտելու Արցախում ստեղծված իրավիճակին․ Արցախի ԱԳՆ

Արցախի ԱԳՆ հայտարարությունը՝ Ադրբեջանի կողմից շարունակվող շրջափակման կապակցությամբ․ Ադրբեջանի կողմից Արցախի Հանրապետության և նրա 120 000 բնակչության մեկ…
Դիտել

Ճարտար քաղաքի վարչական տարածքում այրվել է չոր խոտատարածք

Հուլիսի 12-ին ժամը 11:28-ին Արցախի Մարտունու շրջանային ԱԻ բաժնի ահազանգման կենտրոնում հաղորդում է ստացվել, որ Մարտունու շրջանի Ճարտար…
Դիտել

Տեղի է ունեցել «Հայաստան» համահայկական հիմնադրամի հոգաբարձուների խորհրդի արտահերթ նիստ

Դեկտեմբերի 27-ին տեղի է ունեցել «Հայաստան» համահայկական հիմնադրամի հոգաբարձուների խորհրդի արտահերթ նիստ` Ադրբեջանի կողմից Լաչինի միջանցքի շրջափակման և…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share