ԵՄ քաղաքացիական առաքելության կազմում ներգրավված կլինի Գերմանիայից 15 ոստիկան

Հայ-ադրբեջանական սահմանին ԵՄ դիտորդական առաքելության կազմում ներգրավված կլինեն նաև գերմանացի ոստիկաններ. առաքելությունն իր գործունեությունը կսկսի երկուշաբթի` փետրվարի 20-ին: Այս մասին հաղորդում է «Արմենպրես»-ը՝ վկայակոչելով գերմանական NTV պարբերականին:

Գերմանիայի կառավարության խոսնակ Շտեֆեն Հեբեստրեյթի խոսքով՝ Գերմանիայի նախարարների դաշնային կաբինետը որոշում է ընդունել այն մասին, որ Գերմանիան հայ-ադրբեջանական սահմանի երկայնքով տեղակայվող առաքելության կազմում ներկայացված կլինի առավելագույնը 15 ոստիկանով: Դաշնային կառավարությունն առաջարկում է նաև քաղաքացիական փորձագետների ուղարկել:
 

Ընդհանուր առմամբ, ըստ լրատվամիջոցի, ԵՄ առաքելության կազմում ընդգրկված կլինի մոտ 100 կին և տղամարդ: Առաքելությունը կգլխավորի Գերմանիայի դաշնային ոստիկանության սպա:

Եվրամիությունը նոր քաղաքացիական անզեն առաքելություն ուղարկելու մասին որոշում է կայացրել հունվարի 23-ին՝ Հայաստանի կառավարության հրավերի հիման վրա։ 2 տարի ժամկետով նախատեսված առաքելության նպատակը հրադադարի ռեժիմի մոնիթորինգն է և Հայաստանի ու Ադրբեջանի միջև վստահության ամրապնդմանն աջակցելը:

Ըստ ԵՄ մանդատի՝ առաքելության նպատակն է նաև նվազեցնել ռիսկերը այնտեղ ապրող բնակչության համար, ինչպես նաև նպաստել երկրների միջև հարաբերությունների կարգավորմանը:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Պլանավորվում է Արարատ Միրզոյանի այցը Սիրիա

Հաջորդը

Սա կարող է մի նոր ելակետ դառնալ ՀՀ-ի և Թուրքիայի միջև հարաբերությունների հաստատման համար․ Փաշինյան

Առնչվող նյութեր
Դիտել

Վեհափառ հայրապետը առանձին քննարկումներ կունենա նախագահների հետ. Մայր Աթոռ

Ամենայն հայոց կաթողիկոսը գնահատում է ՀՀ և ԼՂՀ նախագահների պատրաստակամությունը՝ հայտնի հանդիպման ձևաչափով արծարծելու երկրի առջև ծառացած մարտահրավերները…
Դիտել

Որոնողական աշխատանքներն շարունակվում են Ջրականի (Ջաբրայիլ) շրջանում

Ռազմագործողությունների ընթացքում զոհված և մինչև այժմ անհետ կորած համարվող զինծառայողների աճյունների որոնողական աշխատանքներն ապրիլի 13-ին փրկարարական մեկ ջոկատով…
Դիտել

Շոլց. Պուտինի միակ ճանապարհը Ուկրաինայում իր անհաջողությունն ընդունելն է

Օլաֆ Շոլց / AFP Գերմանիայի կանցլեր Օլաֆ Շոլցը Բավարիայում G7-ի գագաթնաժողովի ավարտին ասել է, որ Արևմուտքի ճնշումը Ռուսաստանի…
Դիտել

ՆԱՏՕ-ի գլխավոր քարտուղարի հատուկ ներկայացուցիչը ողջունել է համատեղ հայտարարությունը

«Ես ողջունում եմ Հայաստանի և Ադրբեջանի համատեղ հայտարարությունը, որով հայտարարվում է կալանավորների  փոխադարձ ազատ արձակման, վստահության ամրապնդման այլ…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share