2024թ. ֆուտբոլի Եվրոպայի առաջնության ընտրական մրցաշարի մեկնարկային տուրում Հայաստանի հավաքականը D խմբում Երևանի Վազգեն Սարգսյանի անվան «Հանրապետական» ստադիոնում կմրցի Թուրքիայի հետ:
Հայաստանի հավաքականը 10-րդ րոպեին բացեց Թուրքիայի թիմի դեմ Եվրո-2024-ի ընտրական մրցաշարի մեկնարկային տուրի հանդիպման հաշիվը:
35-րդ րոպեին Թուրքիայի հավաքականը հաշիվը հավասարվեց: Տուգանայինի մատույցներից դիպուկ հարված կատարեց հոլանդական «Ֆեյենորդի» կիսապաշտպան Օրկուն Կյոկչյուն։
64-րդ րոպեին թուրքերը խփեցին երկրորդ գոլը։ Հյուրերը դաշտի կենտրոնում ստացան տուգանային հարվածի իրավունք և, արագ խաղարկելով այն, դարպասապահի դեմ մեն-մենակ դուրս բերեցին թուրքական «Գալաթասարայի» հարձակվող Կերեմ Ակտյուրկօղլուին, որը խփեց իր հավաքականի հաղթական գոլը 1:2
Հիշեցնենք, որ Եվրո-2024-ի ընտրական D խմբում ընդգրկված են նաև Խորվաթիայի, Ուելսի և Լատվիայի հավաքականները։
Ալեքսանդր Պետրակովի գլխավորած թիմը Եվրո-2024-ի ընտրական D խմբի հաջորդ խաղում, հունիսի 16-ին կհյուրընկալվի Ուելսի հավաքականին:
