Ամերիկայի միացյալ նահագների նախկին նախագահ Դոնալդ Թրամփը մտադիր է ստեղծել իր սեփական սոցիալական ցանցը։ Նա բանակցություն է վարում մի շարք հավելվածների հետ, հայտնում է Axios-ը հղում անելով բազմաթիվ աղբյուրների:
Սոցիալական ցանցի համար հավելվածների հետ բանակցում են նախկին նախագահը և նրա խորհրդական Դեն Սկավինոն: Նշվում է, որ լավագույն հավակնորդներից մեկը սոցցանցերի քիչ հայտնի FreeSpace հարթակն է:
Թրամփը դեռ պետք է վերջնական որոշում կայացնի սոցցանցի վերաբերյալ: Նրա ավագ խորհրդական Ջեյսոն Միլլերը կիրակի Fox News-ին հայտնել էր, որ ԱՄՆ նախկին նախագահը նախատեսում է ստեղծել իր սեփական սոցիալական ցանցը երկու-երեք շաբաթվա ընթացքում, որպեսզի դրա միջոցով վերսկսի շփումը համաքաղաքացիների հետ:
Ըստ Միլլերի՝ նոր հարթակը «կլինի ամենաոճայինը սոցիալական ցանցերում և կփոխի սոցցանցերի աշխարհը»:
