Ինչու են վատացել հայազգի մեծահարուստ «խոպանչիներն» ու ազգային կուսակցության անվան տակ ծվարած գործիչները

Ինչպես արդեն հայտնի է՝ ՀՀ սահմանադրական դատարանը որոշեց, որ Հռոմի Ստատուտը համապատասխանում է ՀՀ սահմանադրությանը։ Թվում էր, թե Հայաստանի այս որոշմանը պետք է կոշտ արձագանքեր Ադրբեջանը, որովհետեև Հռոմի Ստատուտը վավերացնելով Հայաստանը հնարավորությություն է ստանալու միջազգային քրեական դատարանում բարձրացնել Ադրբեջանի կատարած ռազմական հանցագործությունների հարցը։ Սակայն Հայաստանում ընդունված որոշմանը արագ ու բավական կոշտ արձագանքում է Ռուսաստանը։

«Մոսկվան բացարձակապես անընդունելի է համարում Ռուսաստանի ղեկավարության դեմ «օրդերների» ֆոնին միջազգային քրեական դատարանի (ՄՔԴ) Հռոմի ստատուտին միանալու՝ Երևանի ծրագրերը»,-սյս մասին երկուշաբթի ՏԱՍՍ-ին հայտնել է ՌԴ ԱԳՆ-ի աղբյուրը։ Գործակալության զրուցակիցը ուշադրություն է հրավիրել նաև այն փաստի վրա, որ հայկական կողմին զգուշացվել է երկկողմ հարաբերություններում Երևանի հնարավոր քայլերի «չափազանց բացասական» հետևանքների մասին։

Ինքնիշխան պետության՝ Հայաստանի, կայացրած որոշումը հոգեխանգարմունքի մեջ է գցել ոչ միայն «բարեկամ» երկրի պաշտոնյաների, այլև Ռուսաստանի շահերը սպասարկող տարբեր տրամաչափի գործիչների։ Հռոմի Ստատուտը վավերացնելու Հայստանի որոշման դեմ գրոհին Ռուսաստանը գործի է դրել նաև իր ամենանվիրված բանակը՝ Յան-ով վերջացող ազգանուններով սպասարկուներին։

Մասնավորապես՝ «Տաշիր» ընկերությունների խմբի և Հայ գործարարների ասոցիացիայի ղեկավար Սամվել Կարապետյանը մեկնաբանելով ՌԴ ղեկավարության նկատմամբ Միջազգային քրեական դատարանի որոշման լույսի ներքո Հռոմի ստատուտին Հայաստանի միանալու ծրագրերը նշել է, որ անթույլատրելի է վտանգել Հայաստանի և Ռուսաստանի դարավոր բարեկամական կապերն ու երկու երկրների ժողովուրդների գործընկերային հարաբերությունները։

ՀՀ ՍԴ որոշումից հետո Հայստանում նույնպես սկսել են ակտիվանալ Ռուսաստանի դուդուկի տակ պարող գործիչները։

Հատկանշական է, որ այս կոնտիգենտը՝ ծպտուն չէր հանում, երբ Ռուսաստանը խուլ և համր էր ձևանում, կամ փորձում էր անհեթեթ պարզաբանումներով մեկնաբանել Հայաստանի սուվերեն տարածքի նկատմամբ ադրբեջանական ոտնձգությունները։ Հիմա այս մարդիկ միանգամից հոգեխանգարմունքի մեջ են ընկել ու հիշել են հայ-ռուսական դարավոր բարեկամությունը։ Նրանք մոռացել են, կամ չեն ուզում տեսնել, որ այդ բարկեամության վրա հենց Ռուսաստանն է խաչ քաշել, երբ իր անգործությամբ աջակցում էր Հայաստանի և Արցախի տարածքների օկուպացմանը։  

Ընդհանրապես, Հայաստանի դեմ Ռուսաստանի գրոհները բավական հետաքրքիր ուրվագիծ ունեն։ Դրանք հիմնականում ղեկավարում են հայազգի գործիչները՝ մեծահարուստ «խոպանչիները», ազգային կուսակցության անվան տակ ծվարած և վաղուց ռուսացած դաշնակներն ու Հայաստանի նախկին իշխանությունների քաղաքական ջերմատներում աճած օդիոզները։ Հենց այս կոնտիգենտն է միանգամից վեր թռնում, երբ Հայաստանի այս կամ այն որոշումը շեղվում է իրենց հայրերի ֆորմպոստային գծից։

Հեղինակ՝ Միքայել Մանուկյան

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Տեղի են ունեցել Քրեակատարողական ծառայության հատուկ նշանակության ստորաբաժանման ուսումնական վարժանքները

Հաջորդը

Էկոնոմիկայի նախարարությունը ներկայացրել է մակրոտնտեսական օպերատիվ ցուցանիշները

Առնչվող նյութեր
Դիտել

Շուշի, Հադրութ քաղաքներից տեղահանվածների համար Ստեփանակերտում շենք է կառուցվում

Արցախի քաղաքաշինության նախարարությունից հայտնում են, որ Ստեփանակերտի Թումանյան փողոցում կառուցվող 108 բնակարանից բաղկացած շենքը նախատեսվում է շահագործման հանձնել…
Դիտել

Ծաղկաձորում սպանվել է Կոտայքում հայտնի «Ծռի Վարդանը»

Երեկ՝ հուլիսի 10-ին, սպանություն է տեղի ունեցել Կոտայքի մարզում։ Shamshyan.com-ի փոխանցմամբ՝ ժամը 21։20-ի սահմաններում «Հրազդան» բժշկական կենտրոնից ահազանգ…
Դիտել

5-6 բալ ուժգնությամբ երկրաշարժ Սյունիքում

Հունվարի 16-ին, տեղական ժամանակով ժամը 07:25-ին (Գրինվիչի ժամանակով՝ 03:25-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից…
Դիտել

Խորհրդարանական ընդդիմությունն անվտանգային հարցերի վերաբերյալ քննարկում է կազմակերպել

ԱԺ «Հայաստան» և «Պատիվ ունեմ» խմբակցություններն այսօր «Հայաստան-Արցախ․ անվտանգային ահագնացող սպառնալիքներ» թեմայով քննարկում են կազմակերպել։ ՀՅԴ ԳՄ ներկայացուցիչ…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share