Լաչինի միջանցքի կարգավորումները բանակցված են և ստորագրված, այդ թվում՝ Ադրբեջանի նախագահի կողմից․ Միրզոյան

ՀՀ ԱԳ նախարար Արարատ Միրզոյանն անդրադարձել է Ադրբեջանի նախագահ Իլհամ Ալիևի՝ Մյունխենում արած հայտարարությանը, թե անցակետեր պետք է լինեն Զանգեզուրի և Լաչինի միջանցքների երկու կողմերում․ «Իսկապես, Հայաստանի սահմանին և այն հատվածում, որտեղ սկսվում է Լաչինի միջանցքը, անցակետեր դնելու գաղափար հնչեցվել է։ Բայց մեր պատասխանը բավական միանշանակ է ու հրապարակային՝ Լաչինի միջանցքի արգելափակումից շատ կարճ ժամանակ անց այս դիրքորոշումը հնչեցվել է և այն մնում է նույնը՝ Լաչինի միջանցքի կարգավորումները բանակցված են, ստորագրված, այդ թվում՝ Ադրբեջանի նախագահի կողմից։ Ես խոսում եմ նոյեմբերի 9-ի փաստաթղթի մասին, և Լաչինի միջանցքի կարգավորումների վերաբանակցում, ընդ որում, ուժի գործադրման արդյունքում նոր ուժի գործադրման սպառնալիքով, մեզ համար ակնհայտորեն ընդունելի չէ և չի կարող ընդունելի լուծում լինել»,- ասել է Արարատ Միրզոյանը։ 

Նա նշել է, որ Ադրբեջանի ակնկալիքը պարզ է՝ բացել Լաչինի միջանցքը մեկ այլ համարժեք միջանցք ստանալու դիմաց. «Այս նարատիվը նոր չէ, և մեր դիրքորոշումն էլ այս կապակցությամբ նոր չէ, որ ես պետք է հնչեցնեմ. մենք ունենք Լաչինի միջանցք, որն, ի դեպ, նույնիսկ մինչև վերջին պատերազմը՝ ողջ բանակցային գործընթացի ընթացքում, առանձնացվել է որպես հումանիտար, մարդասիրական միջանցք՝ հաշվի առնելով, որ ԼՂ հայությունը պարփակված է, շրջապատված Ադրբեջանի կողմից, և միակ ճանապարհն աշխարհի հետ հենց Լաչինի միջանցքն է։ Բոլորը, այդ թվում Ադրբեջանն, ընդունել են դա»։

Միրզոյանը շեշտել է՝ ՀՀ դիրքորոշումը նույնն է՝ կարող ենք րոպե առաջ ձեռնամուխ լինել ճանապարհների ապաշրջափակմանն այն պահից սկսած, երբ կընդունենք, որ այդ ապաշրջափակվող ճանապարհները, այդ թվում՝ երկաթուղին, կգործեն այն երկրների սուվերենության շրջանակներում և օրենսդրությունների ներքո, որոնց տարածքով անցնում են. «Բացառում և չենք ողջունում ուժի կիրառմամբ, նոր ուժի սպառնալիքի ներքո եղած պայմանավորվածությունները փոխելը կամ մի կողմի շահերի հաշվին նոր զիջումներ կորզելու ագրեսիվ քաղաքականությունը»։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

ՀՀ ԱԽ քարտուղարն ընդունել է ԱՄՆ նորանշանակ դեսպանին

Հաջորդը

Ստեփանակերտի համար անընդունելի են Ստեփանակերտի և Բաքվի միջև երկխոսության տեսլականը․ Արցախի ԱԳՆ

Առնչվող նյութեր
Դիտել

ՀՀ ԱԳ նախարարը Ֆրանսիայի իր գործընկերոջն է ներկայացրել Ադրբեջանի հարձակման հետևանքով ստեղծված իրավիճակը

Սեպտեմբերի 13-ին ՀՀ ԱԳ նախարար Արարատ Միրզոյանը հեռախոսազրույց է ունեցել Ֆրանսիայի ԱԳ նախարար Կատրին Կոլոննայի հետ։ Ինչպես տեղեկացրին…
Դիտել

Մենք վճռական ենք մեր տարածաշրջանում խաղաղություն կառուցելու հարցում. հույս ունենք, որ Ուզբեկստանը նույնպես անմասն չի մնա. ԱԺ նախագահն Ուզբեկստանում է

Հայաստանի Հանրապետության Ազգային ժողովի նախագահ Ալեն Սիմոնյանն ԱՊՀ միջխորհրդարանական վեհաժողովի միջոցառումների շրջանակում հոկտեմբերի 27-ին հանդիպել է Ուզբեկստանի Հանրապետության…
Դիտել

ԱՄՆ պետքարտուղարությունը հայտարարություն է տարածել` ԼՂ-ում հրադադարի մեկ տարվա կապակցությամբ

ԱՄՆ պետքարտուղարության մամլո խոսնակ Նեդ Փրայսն անդրադարձել է Հայաստանի և Ադրբեջանի միջև հրադադարի հայտարարության մեկ տարվան։ «Այս շաբաթ…
Դիտել

Կարծում եմ ամբողջ հայության համար անընդունելի է Արցախը ճանաչել Ադրբեջանի մաս․ Դավիթ Բաբայան

Արցախից իրենք եկել են շատ անկեղծ քննարկումներ իրականացնելու համար: Այս մասին այսօր Երևանում լրագրողների հետ զրույցում ասաց Արցախի…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share