Հայ փրկարարներն ավարտել են իրենց առաքելությունը Սիրիայում

Հայկական քաղաքային որոնողափրկարարական թիմը փետրվարի 13-ին ավարտել է Սիրիայի Արաբական Հանրապետության Հալեպ քաղաքում ծավալած որոնողափրկարարական աշխատանքները։ Փետրվարի 14-ին հայ փրկարարները ժամանել են Հայաստան:

Այս մասին տեղեկացրին ՀՀ ներքին գործերի նախարարության փրկարար ծառայությունից։

«Նրանց դիմավորեցին ՆԳՆ փրկարար ծառայության տնօրեն-ներքին գործերի նախարարի տեղակալ, փ/ծ գնդապետ Կամո Ցուցուլյանը և ՆԳՆ փրկարար ծառայության տնօրենի տեղակալ, փ/ծ գնդապետ Տիգրան Պետրոսյանը:

Օդանավակայանում դիմավորելով փրկարարներին, Կամո Ցուցուլյանն անձամբ իր և Ներքին գործերի նախարարի անունից շնորհակալություն հայտնեց փրկարարներին՝ կատարած աշխատանքի և անձնուրաց ծառայության համար:

Աղետի գոտում շուրջ 7 օր տևած որոնողափրկարարական գործողությունների արդյունքում միջազգային որակավորում ունեցող հայկական քաղաքային որոնողափրկարարական թիմը՝ համագործակցելով տեղի աջակցող և միջազգային այլ թիմերի հետ, փրկարարական տարբեր միջոցների կիրառմամբ փլատակներից դուրս բերեց զոհերի մարմիններ, տեղում իրականացրեց լայնածավալ որոնողական, առաջին բուժօգնության, կինոլոգիական խմբերով աշխատանքներ»,- ասվում է հաղորդագրության մեջ:

Ըստ աղբյուրի՝ Հալեպում գտնվելու կարճ ժամանակահատվածում հայ փրկարարները որոնողափրկարարական աշխատանքներին զուգահեռ տեղի հայ համայնքի համար կազմակերպել և անցկացրել են ուսուցողական դաս՝ «Ինչպե՞ս գործել երկրաշարժի դեպքում» թեմայով:

Հայկական թիմի ղեկավարությանն ընդունել է Հալեպի նահանգապետը, ով իր երախտագիտությունն է հայտնել հայ փրկարարներին և նրանց հանձնել Հալեպի նահանգապետարանի շնորհակալագիր՝ ցուցաբերած աջակցության համար:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Բացահայտվել են առանձնապես խոշոր չափերով թմրամիջոցի ապօրինի իրացման դեպքեր

Հաջորդը

Հակառակորդի կրակոցից զինծառայող է վիրավորվել

Առնչվող նյութեր
Դիտել

Ո՞րն է Ադրբեջանի նպատակը․ Արմեն Պետրոսյան

Ռազմական սադրանքների միջոցով Ադրբեջանի առանցքային նպատակը կարճաժամկետ հեռանկարում Հայաստանի հետ բանակցությունների գործընթացի տապալումն է։ Այս մասին նշել է…
Դիտել

Կբացվի լուսանկարիչ Նարեկ Արշակյանի անհատական ցուցահանսեսը՝ «Հայրենիքից Հայրենիք» խորագրով

Փետրվարի 9-12-ը Հենրիկ Իգիթյանի անվան Գեղագիտության Ազգային Կենտրոնի ցուցասրահում կբացվի լուսանկարիչ Նարեկ Արշակյանի անհատական ցուցահանսեսը՝ «Հայրենիքից Հայրենիք» խորագրով:…
Դիտել

Ուկրաինան չի հրաժարվի իր տարածքներից և ինքնիշխանությունից. Զելենսկի

ԱՄՆ Սպիտակ տանը տեղի է ունեցել Ուկրաինայի նախագահ Վլադիմիր Զելենսկու և ԱՄՆ նախագահ Ջո Բայդենի համատեղ ասուլիսը։  Զելենսկին,…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share