Հայաստանի ֆուտբոլի ֆեդերացիայի (ՀՖՖ) ներկայացուցիչները կապ են հաստատել Մոսկվայի «Սպարտակի» սան Ստեփան Հովհաննիսյանի հետ՝ Հայաստանի քաղաքացիություն ընդունելու և Հայաստանի հավաքականում հանդես գալու վերաբերյալ։ Այս մասին «Матч ТВ»‑ին հայտնել է ՀՖՖ մամուլի քարտուղար Հայկ Կարապետյանը․ «Հովհաննիսյանի հետ կապ եղել է։ Այս պահին այլ բան ասել չենք կարող», – ասել են ՀՖՖ-ից։
Հովհաննիսյանը 21 տարեկան է, ունի Ռուսաստանի պատանեկան և երիտասարդական հավաքականներում հանդես գալու փորձ: Նախորդ տարվա ամռանը հարձակվողը «Սպարտակից» վարձավճարով «Օրենբուրգ» էր տեղափոխվել մինչև 2022/23 մրցաշրջանի ավարտը։
Օրենբուրգի թիմի կազմում ֆուտբոլիստը բոլոր մրցաշարերում անցկացրել է 20 հանդիպում, խփել է երեք գնդակ և կատարել մեկ գոլային փոխանցում:
