ԿԳՄՍ նախարարի տեղակալ Կարեն Գիլոյանը լրագրողների հետ ճեպազրույցում հայտարարել է, թե Գյումրիում Արթուր Ալեքսանյանի անունով մարզահամալիրի շինարարությունից հետո հնարավոր կլինի որոշ մարզաձևերից աշխարհի և Եվրոպայի առաջնություններ անցկացնել։
Նրա խոսքով, այժմ ակտիվ շինարարություն է ընթանում.
«Այնտեղ տասնյակից ավելի մարզաձևեր կլինեն, և մենք վերջապես մեր սպորտային մայրաքաղաքում՝ Գյումրիում, կունենանք միջազգային չափանիշներին համապատասխանող դահլիճ՝ 3000 տեղանոց տրիբունայով, որտեղ կկարողանանք անգամ աշխարհի և Եվրոպայի առաջնություններ անցկացնել որոշ մարզաձևերից։ Մարզահամալիրը 2025 թվականին կհանձնեն շահագործման, 2026 թվականին Գյումրիում կանցկացնենք որևէ մարզաձևի Եվրոպայի առաջնություն, հավանական է՝ ըմբշամարտի»։
