ՀՀ ԱԳ նախարարի հանդիպումը ՀՀ-ում Բրազիլիայի արտակարգ և լիազոր դեսպանի հետ

Մարտի 15-ին ՀՀ ԱԳ նախարար Արարատ Միրզոյանն ընդունել է Հայաստանի Հանրապետությունում Բրազիլիայի Դաշնային Հանրապետության արտակարգ և լիազոր դեսպան Ֆաբիո Վազ Պիտալուգային: 

Զրուցակիցները մտքեր են փոխանակել Հայաստանի և Բրազիլիայի միջև ընդլայնվող քաղաքական երկխոսության և հայ-բրազիլական երկկողմ օրակարգային հարցերի լայն շրջանակի վերաբերյալ: Քննարկվել են փոխադարձ հետաքրքրություն ներկայացնող ուղղություններով, այդ թվում՝ առևտրի, բարձր տեխնոլոգիաների և գյուղատնտեսության ոլորտներում համագործակցության հեռանկարները:

Հանդիպման ընթացքում անդրադարձ է կատարվել նաև բազմակողմ հարթակներում երկու երկրների միջև հաստատված արդյունավետ փոխգործակցության, ինչպես նաև միջխորհրդարանական կապերի ամրապնդման հարցերին: 

Հանդիպմանը քննարկվել են նաև տարածաշրջանային անվտանգությանն ու կայունությանն առնչվող հարցեր: Նախարար Միրզոյանը ներկայացրել է Հայաստանի և Ադրբեջանի միջև հարաբերությունների կարգավորման գործընթացում ՀՀ տեսլականը: Ընդգծվել է, որ ադրբեջանական կողմն իր հռետորաբանությամբ ու շարունակական սադրանքներով մարտահրավեր է նետում տարածաշրջանում խաղաղություն և կայունություն հաստատելու ջանքերին: 

Անդրադառնալով Ադրբեջանի կողմից Լաչինի միջանցքի արգելափակմանը՝ նախարար Միրզոյանը շեշտել է Ադրբեջանի դեմ հրատապ միջոց կիրառելու վերաբերյալ  Արդարադատության միջազգային դատարանի կողմից փետրվարի 22-ին կայացված՝ իրավաբանական պարտադիր ուժ ունեցող որոշման կատարման անհրաժեշտությունը:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Այս պահին Հայաստանի սահմաններին կուտակումներ արձանագրված չեն․ Պապիկյան

Հաջորդը

ՀՀ մշակույթի նախկին նախարար Հասմիկ Պողոսյանի նկատմամբ հետախուզում է հայտարարվել․ ՔԿ

Առնչվող նյութեր
Դիտել

Տագնապ է առաջացնում վերջին երկու տարվա իրադարձությունների շարքը․ Արարատ Միզոյան

Իմ այցելությունը տեղի է ունենում Հարավային Կովկասում լարվածության ֆոնին և ավելի քանի երեք ամիս Ադրբեջանի կողմից շարունակվող Լաչինի…
Դիտել

Հայաստանը բարձր է գնահատում Հայաստանի և Ֆրանսիայի միջև առանձնաշնորհյալ հարաբերությունները. Նիկոլ Փաշինյան

Վարչապետ Նիկոլ Փաշինյանը շնորհավորական ուղերձ է հղել Ֆրանսիայի Հանրապետության նախագահ Էմանուել Մակրոնին՝ Ազգային տոնի առթիվ: Ուղերձում ասված է.…
Դիտել

Պետքարտուղարը ողջունել է ռազմագերիների ազատ արձակումը. Նեդ Փրայս

ԱՄՆ պետքարտուղարության մամուլի խոսնակ Նեդ Փրայսը ներկայացրել է պետքարտուղար Բլինքենի հեռախոսազրույցը Ադրբեջանի և Հայաստանի արտգործնախարարների հետ:Այս մասին տեղեկացնում…
Դիտել

Ադրբեջանի գործողությունները հակասում են բարիդրացիության սկզբունքներին

Իրանի արտգործնախարարության պաշտոնական ներկայացուցիչ Նասեր Քանանին Ադրբեջանին կոչ է արել հարգել միմյանց, առաջնորդվել բարիդրացիության սկզբունքներով և հեռու մնալ…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share