Հրատապ ենք համարում աշխարհազորի հետ ձեւավորել պահեստազորի ակտիվ ռեզերվ․ «Վերելք» կուսակցություն

Այսօր «Վերելք» կուսակցության նախագահ, պահեստազորի գնդապետ, քաղաքական գիտությունների թեկնածու Ալեքսան Մինասյանը խորհրդակցություն է անցկացրել ուղի անցած աշխարհազորի հետ` պահեստազորի ակտիվ ռեզերվի ձևավորման նպատակով:

Խոհրդակցությունից հետո կուսակցությունը հայտարարություն է տարածել․

«Հարգելի հայրենակիցներ,

Մեր երկիրը նորից հայտնվել է հավանական պատերազմի շեմին: Օգտագործելով հաղթողի հոգեբանորեն արտոնյալ իր կարգավիճակը` թշնամին օր-օրի ավելի է մեծացնում ճնշումը մեր երկրի վրա: Անպատիժ մնալու վստահությամբ նա անցնում է ՀՀ սահմանները` մեզնից պահանջելով նոր տարածքներ ու բնակավայրեր: Նա վստահ է, որ մեր մեջ անդառնալիորեն կոտրվել է իր երկրին պաշտպան լինելու անկոտրում կամքը: Անհրաժեշտ է և´ նրանց, և´ աշխարհին ապացուցել հակառակը:

Դրա համար հրատապ ենք համարում աշխարհազորի հետ ձևավորել պահեստազորի ակտիվ ռեզերվ: Դա կլինի իրական օգնություն մեր բանակին հայրենիքի պաշտպանությունն արդյունավետ դարձնելու համար:

Այն քաղաքացիներն, ովքեր ունեն այդ գործին նվիրվելու ուժ և ցանկություն, կարող են ցուցակագրվել մեզ մոտ: Դա անհրաժեշտ է մեզ, որպեսզի կարողանանք կամավորներին խմբավորել ըստ մասնագիտությունների և կազմակերպել կարճ ուսումնական դասընթաց», նշված է «Վերելք» կուսակցության տարածած հայտարարությունում։

Թողնել պատասխան

Ձեր էլ-փոստի հասցեն չի հրապարակվելու։

Previous Article

Հանրապետական մաղթանք և այց Սարդարապատի հուշահամալիր Հանրապետության տոնի առիթով

Next Article

ԵԱՀԿ Մինսկի խմբի համանախագահները կոչ են անում Ադրբեջանին ազատ արձակել հայ զինվորականներին

Related Posts
Դիտել

Հայ հանրությունը պետք է մերժի քաղաքական երկբեւեռությունը․ Վադիմ Հարությունով (տեսանյութ)

Azdagir.am-ը բացառիկ հարցազրույց է ունեցել հայտնի բլոգեր, լրագրող, «Հայկական հետք» հաղորդաշարի և «Անտիտապոռ» նախագծի հեղինակ Վադիմ Հարությունովի հետ։…
Total
13
Share