Սիրիայի ՀՕՊ-երին հաջողվել է խոցել որոշ հրթիռներ, որոնք արձակվել են Լաթաքիայի ափամերձ գոտում գտնվող օբյեկտների վրա, հայտնում է SANA պետական գործակալությունը հղում անելով երկրի բանակին։
«Թշնամական Իսրայելն օդային ագրեսիա է իրականացրել Լաթաքիայի հարավ-արևմուտքի կողմից՝ հարձակվելով ափամերձ գոտում գտնվող մի քանի օբյեկտների վրա: Մեր հակաօդային պաշտպանությունը խոցել է որոշ հրթիռներ», – ասված է հայտարարության մեջ:
Ավելի վաղ սիրիական SANA-ն հայտնել էր, որ Լաթաքիա նահանգի ալ-Հաֆֆա շրջանում և Համա նահանգի Միսյաֆում իսրայելական հրթիռային հարվածները հետ մղելու աշխատանքներ են կատարվել: Հարձակումների թիրախը Լաթաքիա նահանգի պլաստիկի պահեստն էր:
Հարձակման հետևանքով զոհվել է մեկ մարդ, վիրավորվել՝ վեցը:
