Նյութը մեզ է տրամադրել ՀՊՄՀ լրագրության 2-րդ կուրսի ուսանող Էլեն Գրիգորյանը։
Դեկտեմբերի 15-ին Երևանի Թումո կենտրոնում տեղի ունեցավ ARTSAKHMONUMENTS.ORG կայքի շնորհանդեսը։ Ներկայացվեցին կայքի բաժինները և կայքից օգտվելու քարտեզ։
Նախորդ կայքի համեմատ՝ նորը եռալեզու է։ Կայքի ստեղծման նպատակը եղել է Արցախի հուշարձանների պաշտպանության խնդրի բարձրաձայնումը։ Այսպես կայքի հեղինակներն իրենց զորակցությունը հայտնեցին արցախահայությանը։
Կայքի ստեղծման նախապատմությունը սկսվում է 2004 թվականից հայկական ճարտարապետություն կայքից, որը հայկական հուշարձանների որոնման առաջին համակարգն է եղել։
Նյութերն ավելի արդիական և նոր տեխնոլոգիաների հետ համահունչ դարձնելու համար 2021 թվականի հունվարին որոշում կայացվեց և քայլեր ձեռնարկվեցին նոր կայքէջի պատրաստման համար։
Աշխատանքներն սկսվեցին մայիսին։ Ծրագրավորման աշխատանքները իրականացրել են Գրիգորի Լոխթոյանը, Լիլիթ Մկրտչյանը և Արման Զաքարյանը։ Կատարվող ուսումնասիրությունները տարաբնույթ են՝ պատմական, ճարտարապետական, աղբյուրագիտական, գրադարանաարխիվային և դաշտային, որոնք մշակվում, համակարգվում և ընթերցողին մատուցվում են հրատարակությունների տեսքով։ Կայքի բաժիններն են ՝ հուշարձան, տեղանուն և քարտեզ, որոնք ունեն տեքստային և տեսողական որոնում։ Հետագայում կայքում կլինեն նաև հեղինակային գրքեր։