Երևանում երթևեկության կարևոր խնդիրներից մեկը շարունակում է մնալ փողոցների գծանշումների և ճանապարհային նշանների խայտառակ վիճակը։
Գծանշումներ փողոցներում գրեթե չկան, կամ եթե կան էլ, ապա դրանց տեսնելու հավանականությունը գրեթե զրո է։
Դեռևս նախորդ տարի Երևանի քաղաքապետարանն ազդարարեց, որ վերջ, այսուհետև իրենք են իրականացնելու և վերահսկելու փողոցների գծանշման գործընթացը։ Պարզվեց դա քաղաքապետարանի հերթական PR ակցիան էր և ոչ թե աշխատելու պատրաստակամություն։ Անցել է մեկ տարի գծանշումներ փողոցներում չկան, կամ եթե դրանք եղել են, ապա արագ ջնջվել են։
Քաղաքապետարանում միայն այս հարցում չէ, որ խոսքից գործի չեն անցնում։ Նույն վիճակն է նաև ճանապարհային նշանների առումով։ Դրանք կամ մաշված են, կամ կոտրված, կամ տեսանելի վայրում չեն։
Սա Մոսկովյան և Մաշտոց փողոցների խաչմերուկում գտնվող նշանն է, կամ այն՝ ինչ երևում է այս նշանից։
Նման դեպքերը բազմաթիվ են մայրաքաղաքում։ Վարորդներին տուգանելուց՝ պատկան մարմինները չեն հապաղում, միչդեռ իրենց պարտականությունները կատարելու առումով խուլ ու համր են ձևանում։