Այսօր ֆուտբոլի Եվրոպայի առաջնության 1/8 եզրափակչի շրջանակներում Նիդերլանդները մրցեցին Չեխիայի, իսկ Պորտուգալիան՝ Բելգիայի ընտրանու դեմ:
Բուդապեշտում կայացած խաղում գրանցվեց այս առաջնության թերեւս գլխավոր անակնկալը։ Չեխիայի հավաքականը 2։0 հաշվով հաղթեց մրցակցին եւ պայքարից դուրս թողեց Նիդերլանդների հավաքականին։
Չեխիայի ազգային ընտրանին Եվրոպայի առաջնության քառորդ եզրափակչում կմրցի Դանիայի հավաքականի դեմ, որը փլեյ-օֆֆում հաղթեց Ուելսին 4:0 հաշվով:
Օրվա մյուս խաղում Բելգիայի հավաքականը 1։0 հաշվով հաղթեց Եվրոպայի գործող չեմպիոնին՝ Պորտուգալիային։
Քառորդ եզրափակչում Բելգիայի ընտրանին կմրցի Իտալիայի հավաքականի հետ։
