Կատարում ընթացող ֆուտբոլի աշխարհի առաջնության A և B խմբերում ավարտվեց պայքարը:
A խմբից 1/8 եզրափակիչի ուղեգիր նվաճեցին Նիդերլանդների ու Սենեգալի հավաքականները։
B խմբում 7 միավորով առաջին տեղը գրավեց Անգլիայի հավաքականը, 1/8 եզրափակիչ դուրս եկավ նաև ԱՄՆ-ը: Իրանի հավաքականը երեք միավորով և Ուելսը մեկ միավորով ավարտեցին ելույթները Կատար-2022-ում:
Այսպիսով B խմբում երկրորդ տեղը գրաված ԱՄՆ-ը դեկտեմբերի 3-ին 1/8 եզրափակիչում կմրցի A խմբում հաղթած Նիդերլանդների հետ, իսկ B խմբի հաղթող Անգլիան՝ կհանդիպի A խմբում երկրորդ տեղը գրաված Սենեգալի հետ:
