Առողջապահության նախարար Անահիտ Ավանեսյանն այսօր հայտարարել է, որ Հայաստանում կորոնավիրուսային հիվանդացության դեպքերը նվազում են, բուժհիմնարկները հետ են պրոֆիլավորվում։
«Հոսպիտալացման սպասող պացինետներ վաղուց չունենք, այս պահին հետ են պրոֆիլավորում մեր հիվանդանոցները՝ և մարզերում, և Երևանում։ Հիվանդանոցներն անցնում են իրենց ընթացիկ սպասարկման ոլորտներին։ Մենք շատ մեծ ջանքեր՝ և ֆինանսական, և մեծ ռեսուրսների մոբիլիզացում ենք արել՝ նման մեծ թվով մահճակալներ ունենալու համար։ Եվ հնարավորինս պետք է արագ վերապրոֆիլավորենք, որ այլ հիվանդությունները ևս ճիշտ ժամանակին սպասարկվեն»,- ասաց նախարարը։
