Ղրիմի կամրջի վրա բեռնատար է պայթեցվել, հայտնում է Ռուսաստանի Ազգային հակաահաբեկչական կոմիտեն։ Գործակալության տվյալներով՝ դա հանգեցրել է գնացքի վառելիքի յոթ բաքերի բռնկմանը։ Կամրջի երկու ավտոմոբիլային երկու հատվածները մասամբ փլուզվել են, կամրջի նավարկելի մասի կամարը չի վնասվել, հայտնում է գործակալությունը։
Ղրիմի ռուսական օկուպացիոն ղեկավարությունը հաստատել է այս տեղեկությունները։ Պուտինը հրահանգել է հետաքննել այս միջադեպը եւ վերացնել կամրջի փլուզման հետեւանքները։