Աշխարհի չեմպիոն, Փարիզի ՊՍԺ-ի հարձակվող, արգենտինացի Լիոնել Մեսին ֆուտբոլի միջազգային ֆեդերացիայի (ՖԻՖԱ) վարկածով 2022 թվականի լավագույն ֆուտբոլիստն է:
Փարիզում կայացած մրցանակաբաշխության ժամանակ «Ոսկե գնդակի» 7-ակի դափնեկիրը կարիերայում երկրորդ անգամ ստացավ The Best մրցանակը: Մեսին առաջին անգամ այդ մրցանակը ստացել էր 2019-ին:
Մրցանակի համար պայքարում էին նաև Մեսիի ակումբակից, Ֆրանսիայի հավաքականի ռմբարկու Կիլիան Մբապեն ու Մադրիդի «Ռեալի» ավագ, «Ոսկե գնդակի» գործող դափնեկիր, ֆրանսիացի հարձակվող Կարիմ Բենզեման:
Բիրմինգհեմի «Ասթոն Վիլայի» արգենտինացի դարպասապահ Էմիլիանո Մարտինեսը ֆուտբոլի միջազգային ֆեդերացիայի (ՖԻՖԱ) վարկածով հռչակվեց 2022 թվականի լավագույն դարպասապահ։
Իսկ աշխարհի նորընծա չեմպիոն Արգենտինայի հավաքականի գլխավոր մարզիչ Լիոնել Սկալոնին ֆուտբոլի միջազգային ֆեդերացիայի (ՖԻՖԱ) վարկածով դարձավ 2022 թվականի լավագույն մարզիչն է: