Վրաստանի վարչապետ Իրակլի Ղարիբաշվիլին կոչ է արել բոլոր այն երկրներին, որոնց դուր չի եկել Վրաստանի քաղաքացիների համար վիզաները չեղարկելու և դեպի այս երկիր թռիչքները վերսկսելու Ռուսաստանի որոշումը, իրենք նույնպես վրացիների համար առանց վիզայի ռեժիմ սահմանեն և ուղիղ չվերթեր սկսեն։
«Եթե որևէ մեկին դուր չի գալիս Ռուսաստանի հետ թռիչքների նշանակումը և առանց վիզայի ռեժիմը, ապա ինքը կարող է այլ թռիչքներ բացել, օրինակ՝ ուղիղ չվերթեր նշանակել Ամերիկայի հետ, մեր քաղաքացիների համար առանց վիզայի ռեժիմ սահմանել դեպի ԱՄՆ, Չինաստան և այլ ուղղությամբ»,- ասել է Ղարիբաշվիլին։
Ավելի վաղ ՌԴ նախագահ Վլադիմիր Պուտինը մայիսի 15-ից չեղարկել էր Վրաստանի հետ վիզային ռեժիմը, ինչպես նաև վերացրել էր ռուսական ավիաընկերությունների՝ դեպի այս երկիր ուղիղ չվերթերի արգելքը։ Միևնույն ժամանակ, ՌԴ տրանսպորտի նախարարությունը հայտարարել էր, որ ռուսական ավիաընկերությունները պատրաստվում են վերսկսել թռիչքները դեպի Վրաստան, նախատեսվում էր ամեն շաբաթ 7 ուղիղ չվերթ իրականացնել Մոսկվայից Թբիլիսի և հակառակ ուղղությամբ՝ ներքին ինքնաթիռներով։
