Դավաճաններն ու գործակալներն իրենց մերձավոր շրջապատում են, հենց իրենց մեջ են. Գեղամ Բաղդասարյան

Ստեփանակերտի մամուլի ակումբի նախագահ Գեղամ Բաղդասարյանի գրառումը.

«Տարիներ ու տասնամյակներ շարունակ Արցախի ԱԱԾ-ն երկրի բարձրագույն ղեկավարության անմիջական ցուցումով հետևել է մեր ամեն մի քայլին, ժուչոկախեղդ է արել մեզ, նրա տաք շնչառությունն ամենուր զգացել ենք մեր ծոծրակներին, հերյուրանքներ ու զրպարտություններ է տարածել բոլոր այն մարդկանց մասին, ովքեր պայքարել են համակարգային կոռուպցիայի դեմ և փորձել են անարժանների իշխանությունը փոխարինել արժանավորների իշխանությամբ, հանրության մեջ անվստահության մթնոլորտ են ձևավորել այն մարդկանց ու հասարակական գործիչների շուրջ, ովքեր չեն ենթարկվել իրենց, ովքեր չեն անցել իրենց թրի տակով, ովքեր չեն ծախվել, չեն վախեցել ու չեն գայթակղվել, ովքեր իրենց կարիերայի, առողջության ու նյարդերի հաշվին պայքարել են արդարության համար։ Նրանց դավաճաններ ու գործակալներ են համարել, իրենց վարձու գրչակներով ու հանցակից-շահառուներով տարիներ ու տասնամյակներ շարունակ թունավորել են նրանց կյանքը ու պաթոսախեղդ արել աջուահյակ։

Հետո՝ մի տգեղ օր, պարզվել է, որ դավաճաններն ու գործակալներն իրենց մերձավոր շրջապատում են, հենց իրենց մեջ են, ինչը լավագույնս է բնութագրում հենց իրենց, որովհետև հենց նմանների վրա էր խարսխված իրենց իշխանությունը՝ մորթապաշտ-կամակատարների, անձնական շահն ամեն ինչից վեր դասողների, ոչնչից չխորշողների ու սրբություն չունեցողների վրա։

Հետախուզական ողջ ռեսուրսը ներքին «թշնամիների» վրա մսխումը հանգեցրել է նրան, որ արդեն 44-օրյա պատերազմի նախօրեին օտարերկրյա գործակալներն ուղղակի վխտում էին ամենուր։

Մի կործանարար հանգամանք էլ կար։ Ծանր պահին ըստ ամենայնի դրսևորված իշխանությունների ապաշնորհությանը գումարվել է նաև հանրության ինքնակազմակերպման ջիղի կաթվածահար վիճակը։ Այդ ջիղը հետևողականորեն մեռցվել է նախորդ տարիներին։

Ու ամենաաներևակայելին։ Երկիրը տասնամյակներ ի վեր ղեկավարած և իշխանության ղեկի կամ կերակրատաշտի մոտ գտնվող մարդիկ իրենց անվտանգությունը չէին կապում երկրի անվտանգության հետ։ Բայց հենց երկրի հետ էլ վարի գնացին։ Նույնիսկ ինքնապահպանման բնազդը չաշխատեց։

Ու այսքանը հանրության համար հասկանալի դարձավ երկրի կորստի գնով։ Արցախյան հանրությունը շատ թանկ գին վճարեց իր դյուրահավատության, քաղաքական ու քաղաքացիական չհասության համար։ Հազար ափսոս՝ ամեն ինչ կարող էր այլ կերպ լինել…»

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Այսօր հայկական ու ռուսական համատեղ հիշողությունն ու պատմական ժառանգությունը չափվում է գազի գնով և կոնյակի չափաբաժնով․ Հայկ Դեմոյան

Հաջորդը

Նիկոլ Փաշինյանը կմեկնի Գրանադա

Առնչվող նյութեր
Դիտել

ԱՄՆ դեսպանը հանդիպել է խորհրդարանական ընդդիմության ներկայացուցիչների հետ

Դեսպան Քվինը խորհրդարանի ընդդիմադիր խմբակցությունների ներկայացուցիչների հետ մարտի 24-ին տեղի ունեցած հանդիպման ընթացքում ընդգծեց Միացյալ Նահանգները պատրաստակամությունն աջակցել…
Դիտել

Անահիտ Մանասյանն այցելել է Տավուշի մարզ

Մարդու իրավունքների պաշտպան Անահիտ Մանասյանն ու աշխատակազմի ներկայացուցիչներն ապրիլի 11-ին և 12-ին Տավուշի մարզում հանդիպումներ են ունեցել Մովսես,…
Դիտել

Արցախում Ադրբեջանի իշխանությունների ներքո մնացած հայերի ընդհանուր թիվը չի կարող գերազանցել 40-ը․ Արտակ Բեգլարյան

Արցախում Ադրբեջանի իշխանությունների ներքո մնացած հայերի ընդհանուր թիվը չի կարող գերազանցել 40-ը՝ ներառյալ անհետ կորածները։ Այս մասին հայտնել…
Դիտել

Ես չեմ կարող հայտնել իմ գտնվելու վայրը անվտանգության նկատառումներից ելնելով․ Արտակ Բեգլարյան

«Քանի որ շատերն են հարցնում, թույլ տվեք նշել, որ ես ազատ, անվտանգ եմ: Թեև ես շարունակում եմ ստանալ…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share