Ջրվեժ համայնքի 50-ամյա բնակչի սպանությունը բացահայտվել է

Ջրվեժ համայնքի 50-ամյա բնակչի սպանության, ապօրինի կերպով հրազեն ձեռք բերելու, գործադրելու դեպքերի առթիվ նախաձեռնված քրեական վարույթի նախաքննությունն ավարտվել է։

Ինչպես ավելի վաղ տեղեկացվել է, 2023թ․ մարտի 2-ին, «Սուրբ Գրիգոր Լուսավորիչ» ԲԿ-ից ահազանգ է ստացվել այն մասին, որ մարտի 1-ին` ժամը 23.20-ին ծայրահեղ ծանր, անգիտակից վիճակում, գլխին շրրջանում ստացած հրազենային վնասվածքով իրենց մոտ բուժօգնության է տեղափոխվել 50-ամյա տղամարդ, ով ժամեր անց գիտակցության չգալով մահացել է։

Դեպքի առթիվ նախաձեռնած քրեական վարույթի շրջանակներում ՀՀ քննչական կոմիտեի Կոտայքի մարզային քննչական վարչության Աբովյանի բաժնում իրականացված քննությամբ պարզվել է, որ տղամարդը մահացու վնասվածքը ստացել է Ջրվեժ համայնքում տեղի ունեցած վիճաբանության ժամանակ։

Մասնավորապես` Երևանի 35-ամյա բնակիչը քննությամբ ինքնությունները դեռևս չպարզված այլ անձանց հետ, 2023-ի մարտի 1-ին, ժամը 21:20-ի սահմաններում, Ջրվեժ համայնքում գտնվող բացօթյա տաղավարի հողատարածքը ձևափոխելու հարցի շուրջ վիճաբանել է նույն համայնքի 50-ամյա բնակչի, նրա որդու ու ընկերոջ հետ, ինչի ընթացքում 35-ամյա տղամարդը ձեռքերով հարվածներ է հասցրել 50-ամյա անձի մարմնի տարբեր մասերին։

Այնուհետև, երբ վերջինս ընկել է գետնին, 35-ամյա տղամարդն իր մոտ ապօրինի պահվող, ինքնաշեն պատրաստված ակոսափող հրազենով, կյանքից ապօրինաբար զրկելու դիտավորությամբ, կրակել է 50-ամյա տղամարդու գլխին՝ պատճառելով հրազենային, գնդակային թափանցող մարմնական վնասվածք, ապա դիմել փախուստի:

Ոստիկանության հետ համատեղ կատարված աշխատանքի արդյունքում քրեական հետապնդման ենթարկվող անձը ներկայացել է վարույթն իրականացնող մարմնին, ում ներկայացվել է մեղադրանք։ Հայտնաբերվել է նաև հանցագործության գործիք ատրճանակը։

Ձեռք բերված բավարար փաստական տվյալների հիման վրա Երևանի 35-ամյա բնակչին մեղադրանք է ներկայացվել ՀՀ քրեական օրենսգրքի 155-րդ հոդվածի 1-ին և 335-րդ հոդվածի 1-ին մասերով։ Նրա նկատմամբ որպես խափանման միջոց է ընտրվել կալանքը։

Վերջինիս վերաբերյալ մեղադրական եզրակացությամբ վարույթի նյութերն ուղարկվել են դատարան։

Ծանուցում.Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգովդատարանի` օրինական ուժի մեջ մտած դատավճռով:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

ՏԵՍԱՆՅՈՒԹ․Ես ուզում եմ վերացնել ատելության մթնոլորտը. Գևորգ Առստամյան

Հաջորդը

Նիկոլ Փաշինյանն ընդունել է ՆԱՏՕ-ի Գլխավոր քարտուղարի հատուկ ներկայացուցչին

Առնչվող նյութեր
Դիտել

ՄՊՀ-ն վարույթ է հարուցել Երևանի քաղաքապետարանի նկատմամբ

ՄՊՀ-ն վարույթ է հարուցել Երևանի քաղաքապետարանի նկատմամբ՝ ավտոբուսների գնման ընթացակարգերում իրավախախտման առնչությամբ Մրցակցության պաշտպանության հանձնաժողովը վարույթ է հարուցել…
Դիտել

Դավաճաններն ու գործակալներն իրենց մերձավոր շրջապատում են, հենց իրենց մեջ են. Գեղամ Բաղդասարյան

Ստեփանակերտի մամուլի ակումբի նախագահ Գեղամ Բաղդասարյանի գրառումը. «Տարիներ ու տասնամյակներ շարունակ Արցախի ԱԱԾ-ն երկրի բարձրագույն ղեկավարության անմիջական ցուցումով…
Դիտել

Երևանի մերձակայքում կառավարական թաղամաս կկառուցվի

Արդարադատության նախարար Գրիգոր Մինասյանը տեղեկացրել է, որ կառավարական թաղամաս կկառուցվի։ Ըստ նրա՝ կառավարական հաստատությունների տեղափոխումը կբեռնաթափի Երևանի կենտրոնը,…
Դիտել

Ադրբեջանական զինված ուժերը քաղաքացիական բնակչության ուղղությամբ կիրառում են խոշոր տրամաչափի զենքեր, այդ թվում՝ հրետանի. ՀՀ ՄԻՊ

ՀՀ ՄԻՊ Անահիտ Մանասյանն անդրադարձել է ԼՂ նկատմամբ ադրբեջանական ռազմական ագրեսիային։ «Ադրբեջանական զինված ուժերը քաղաքացիական բնակչության ուղղությամբ կիրառում…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share