Երևանի նախկին քաղաքապետ Հայկ Մարությանն այսօր լրագրողների հետ ճեպազրույցում հայտարարել է, որ 2026թ. ընտրություններին առաջադրվելու է վարչապետի թեկնածու․
«Բնականաբար, մեր կուսակցությունը, կապ չունի՝ նորաստեղծ, թե արդեն գործող, անպայման պետք է մասնակցի Հայաստանի բոլոր կարևորագույն քաղաքական պրոցեսներին: Անպայման պատրաստվելու ենք 2026 թվականի ընտրություններին, եթե չլինի արտահերթ, որովհետև դրա մասին անընդհատ խոսակցություններ են գնում: Քանի որ ես մեր կուսակցության ղեկավարն եմ, այո, ես առաջադրվելու եմ որպես թեկնածու»,- ասել է Մարությանը։
Հիշեցնենք՝ Երևանի ավագանու որոշմամբ վաղաժամկետ դադարեցվեցին Հայկ Մարությանի՝ ավագանու անդամի լիազորությունները։
