Հայաստանի ՊԵԿ նախագահ Ռուստամ Բադասյանի փոխանցմամբ՝ ՊԵԿ-ը նկատել է, որ միկրոձեռնարկատիրության սուբյեկտների նկատմամբ կանոնների փոփոխությունից հետո օգոստոս ամսին այդ դաշտում գործող բիզնեսներում «կորել է» շուրջ 2000 աշխատատեղ․
«Հուլիսի արդյունքներով օգոստոսին նկատեցինք, որ միկրոյում շուրջ 2000 աշխատատեղ է կորել: Այսինքն, ոչ թե 2000 աշխատող սկսել են ընդհանուր դրույքաչափով գործել և հարկեր վճարել, այլ ուղղակի աշխատանքից ազատել են կամ ցույց են տալիս, որ ազատել են»,-ասել է նա՝ հավելելով, որ վարչարարություն են սկսել՝ այդ 2000 աշխատատեղը հայտնաբերելու համար: