ՀՀ վարչապետ Նիկոլ Փաշինյանն այսօր այցելել է Կոտայքի մարզի Կաթնաղբյուրի հիմնական նորակառույց դպրոց, ծանոթացել կատարված աշխատանքներին:
ՀՀ վարչապետին ուղեկցել են ՏԿԵ նախարար Գնել Սանոսյանը, ԿԳՍՄ նախարար Ժաննա Անդրեասյանը և պաշտոնատար այլ անձիք։
ՀՀ Վարչապետը շնորհավորել է ներկաներին դպրոցի բացման առիթով։
Դպրոցի կառուցման շինաշխատանքները մեկնարկել են 2020 թ. նոյեմբերից և ավարտվել 2023 թ. հուլիսին: Շինարարական աշխատանքներն իրականացվել են ՀՀ պետական բյուջեի միջոցների հաշվին. տրամադրվել է 712,3 մլն դրամ: Դպրոցի գույքի ձեռքբերման համար պետբյուջեից հատկացվել է 18 մլն 660 հազար դրամ:
Իրականացվել են նաև տարածքի բարեկարգման և ցանկապատման, արևային վահանների, ներքին ինժեներական համակարգերի մոնտաժման կառուցման աշխատանքները: Այս ուսումնական տարում դպրոցում սովորում է 73 աշակերտ: